ღ 安樂窩 ღ

由1/7開始，一連睇o左兩日屋喇...

估唔到係咁攰o架...
我地縮窄範圍，只係睇o左金禧花園、金獅花園同沙田中心...
金禧花園好近我屋企，不過真係勁貴...
金獅花園雖然都係大圍，不過就冇咁近我屋企，又冇咁方便...但租金平...
沙田中心離我屋企最遠，仲要搭車先到，不過以哩個地段o黎講，佢o既租金算平(咁o岩我地租o個間係咋..)，反而幾抵住...而且四周圍咩都有，勁方便...

其實原意一路都只係睇大圍o既o者...
同埋個心都諗定係租金獅花園o架喇...
因為哩區o黎講佢係最平o既...
不過咁o岩個agent話沙田中心有個租盤，租金都平，所以先去睇下之嘛...
最後我地當日都冇即時confirm...
第二日再去其他地產睇下其他金獅花園o既租盤...
睇完都係再考慮下...
到o左尋日先決定租沙田中心...
不過業主咁o岩唔得閒，所以今日先去地產度簽租約囉~
※Frankie足足陪o左我地三日呀...我諗佢都好攰...真係好多謝佢呀!!!

我地終於有個"安樂窩"喇~~
而家開始四圍物色傢俬同電器呀~~
(我唔介意各位朋友仔贊助o架~~細佬已經話o左送梳化俾我喇~~)
期待我地o既二人世界呀!!!^^
※你地得閒入開沙田行街，就o黎探下我啦~~我鍾意熱鬧同多d人陪我o架~~