油油工程進行中，請稍後…

上星期六新屋拜o左四角之後，我地就開始同新屋扮靚靚喇~~
其實只係油下油咁o者~
由於上手租客將全屋o既門油晒粉綠色...(真係唔係人人都鍾意...=.=")
所以我地決定將全屋o既門油返白色!!(至少正常d囉...)

所以今個星期，Kenneth下晝就去新屋油油...
主要係油全屋o既門...
不過...佢真係油得好慢呀...
點解??
因為佢買油油用o既掃...
咁細隻掃，咁大隻門，慢慢咁掃...真係天光油到天黑都搞唔掂呀...
所以佢油o左幾日都只係油到兩隻門連門框咁大把...
於是，今日我出動o左爸爸用o黎油油o既"碌碌"~~
嘩~~真係快成幾倍有多呀!!!
連我咁笨手笨腳o既人都好快油好兩隻門呀!!!
哈哈^^
但係門框d細微o既位，"碌碌"油唔到...
所以就留返俾Kenneth用掃油囉...
用"碌碌"油油真係快好多，又慳水慳力呀~

不過只係油一層油太薄喇...
所以我地仲要油多層...

希望哩個星期可以搞得掂啦~~
※油油工程尚未完工，同志仍需努力呀!!^^※