荒失失奇兵2 (Madagascar2)

演員 (粵語配音) ：
　　　 鄭中基

　　　 方力申
　　　 田蕊妮
　　　 周柏豪
片種 ：動畫
級數 ：
日期 ：2008年12月20日

上集好搶鏡的鬼馬企鵝今次會加重戲份，仲會加入全新角色──性感型男河馬摩圖摩圖與歌莉亞擦出愛火花，獅子阿力更會與親生老豆久別重逢！可以預期今集故事更精彩，笑料更抵死，絕對是聖誕必睇動畫！
上集講到獅子阿力、斑馬馬提、河馬歌莉亞和長頸鹿邁文，意外由紐約中央公園動物園走失，流落到馬達加斯加，於是佢地千方百計諗辦法返屋企。計仔多多的企鵝整好一部爛飛機，諗住送佢地一程，點知中途墜機跌落非洲大草原，身處危機四伏的原始森林，今次一班「荒失失奇兵」真係「唔荒走得甩」！

『第53屆聖誕婚紗及結婚用品展』

上星期收到"i-Wedding Club"寄o黎o既VIP invitation card，
所以今日同Kenneth就一齊去睇睇~

我地主要睇婚紗攝影，心目中有2間係自己o既心水：
1)【FranceBridal (法國)】哩間係我一路以來都咁鍾意o架~
    因為d景好靚，加上個style young d，o岩我多d^^
2)【MONA LISA (蒙娜麗莎)】哩間本身我冇咩興趣o架，d景一般，同埋個style太grand，唔係咁o岩我...
    不過佢而家有個新studio o係柏麗灣，睇過薛凱琪d造型好靚呀~
    studio景就一般啦~但都有d興趣影哩間...
※以上純粹個人意見!!

不過，睇過2間o既價錢(以最平o既plan計)，其實2間都係一樣，但如果o係【MONA LISA】 o既柏麗灣新studio影，就會貴d(一千蚊左右)，而且送o既相會少d o添...
所以最後都係揀返【FranceBridal】^^
【FranceBridal】都有2個studio o架，2個都可以影晒呀~~

婚紗攝影：【FranceBridal】
我join o左個『會展推廣優惠plan (KTA)』
個plan本身有o既o野： (以下用紅色字o既就係o係會展book o既額外禮品喇~都送o左唔少呀!)
拍攝60款以上送19款數碼映像 (+13款數碼映像連4x5"相片，而家即係有32張呀!!)
8x12"  精美相簿1本連19張相片 (free轉珍珠相簿)
5x5"  精美相簿1本連15張相片 (須與大相簿內同款) <<< (15 Feb 09 再去婚紗展搵返上次個sales Annie，成功要求佢大細相簿o既相可不同。Yeah~~)
5x7"  1張相片 (+1張相片uv連架，total 2張)
8x10"  2張相片 (+1張相片uv連架，total 3張)
10x12"  1張相片 (+uv連架)
20x24"  1油畫連(S*)相架
free 20x30"  嘉賓提名冊1張(SC/SE款)
free 黑白映功
free 白褲&白鞋
(以上相片須於19款內選晒) (而家係32款)
‧新娘婚紗任選2款# (其中1件婚紗upgrade Complicite系列影相款) & (多送晚裝1套任選)
‧新郎禮服全套** (多送禮服1套及2套均可任選)
‧新娘新郎化妝各1次
‧新娘髮型及頭飾轉換2款 (+1款for晚裝)
‧多款名貴飾物配襯
*可於指定款式內選擇油畫木框價值$700
**可選用租賃$380黑色孖襟或單襟男禮 (free任選)
#Complicite及外租婚紗系列款式除外 (Complicite系列 free 1件婚紗任選)
以上套餐已包括假眼睫毛及全新男女乾濕粉卜
extra買相：4x5"每張$130，買20張每張$120，買30張每張$110

總算book o左喇...
加o左$500指定Dicky映呀~(睇forum好多人讚佢映得最好，所以而家佢好full o架!!希望真係好啦^^)
試衫日期：4/2/2009 (6:30pm)
拍攝日期：10/3/2009 (2:30pm)
暫時總計：KTA plan $4,988 + mark Dicky映 $500 = $5,488

※另外，o係今次婚紗展期間於【MONA LISA】、【FranceBridal】或【My Dream Wedding】惠顧任何婚紗攝影套餐或外借套餐，可獲贈《美心中式嫁囍禮餅》禮品包1份。包括：尊貴禮盒禮餅咭1張(價值$108)，精選禮盒禮餅咭1張(價值$68)及美心中式嫁囍禮餅咭八折優惠券。(所以我地都有呀~)
【FranceBridal】個sales姐姐Annie仲即場送o左4個迷你o既唐餅(2個紅綾，2個黃綾)俾我地，等我拎返屋企俾Daddy & Mami食，哈哈^^

仲有仲有，今次婚紗展惠顧滿$2,000仲有抽獎呀~
我地抽到一本大相簿...u_u
俾Kenneth笑我冇用呀，佢話抽d又重又冇用o既o野，得個拎字喎...

《御苑皇宴璀璨婚宴展》

今晚參加o左《御苑皇宴璀璨婚宴展》o既活動，主要都係想睇下佢個場set好o左會係點啦~

個場都整得好靚，冇我想像中咁迫，
d o野食都幾好食(有點心、小菜同糖水...仲不停咁飲橙汁o添)
d 員工又好好笑容...
不過都仍然有d要改善o既地方...(尤其係個電視，成日都冇o野睇o既...)

我同Catherine差唔多8點先去到，但已經好多人喇...全場爆滿呀!!
Kelly & Patrick就比我地遲小小到，所以坐o係我地隔離o個圍。
今晚第一次見到Catherine個男朋友Leo呀~~哈哈^^
佢個人都幾搞笑同好有風度囉~~
由於Kenneth冇o黎，所以Leo除o左照顧自己女朋友之外，仲照顧埋我呀~~真係唔該晒!!

本來想影相o架，雖然我有帶相機，不過...相機裏面竟然係冇memory card o架!!!
真係激死呀!!!
我真係覺得我自己"冇得頂"呀!!!
(有一次試過帶o左相機，不過冇帶電囉...)

※我o係esdlife《尖東御苑皇宴》個forum度偷o左d相返o黎呀...哈哈^^

  唔好告發我呀!!!!

久別重逢的中學同學聚會~

今日約o左幾個中學同學食飯，真係有d久別重逢o既感覺呀!!!

畢業之後，初頭都會出o黎行街食飯，
但之後次數就越來越少，加上大家各有各忙，就開始冇聯絡喇...
數數下都差不多十年喇...
哈哈^^真係好耐~

真係好開心可以見返佢地，傾下近況，又傾下以前讀書o既o野...
自從o係facebook被d舊同學add返之後...
真係好懷念以前讀書時代呀!!

希望大家會keep住聯絡，久不久就出o黎見面啦~~

畫皮 (Painted Skin)

導演 ：陳嘉上

演員 ：周迅
　　　 陳坤
　　　 趙薇
　　　 甄子丹
　　　 孫儷
片種 ：改編名著
級數 ：
日期 ：2008年10月1日

都尉王生(陳坤 飾)率領王家軍在西域與悍匪激戰，在匪營救出絕色女子小唯(周迅 飾)，並帶回江都王府照顧。不久後，江都城每隔數天即有人被殺，死者皆被人剖腹挖心，令全城陷入恐怖之中！
另一方面，小唯被王生玉樹臨風的英姿所吸引，暗施誘惑，欲取代王生妻子佩蓉(趙薇 飾)地位。佩蓉看穿小唯心意，並察覺她舉動有異常人，於是向流浪俠客龐勇(甄子丹 飾)及降魔女俠夏冰(孫儷 飾)求助。自此，一場介乎正邪之間與情義矛盾的人魔大戰，立即展開…

『囍』❤ 婚禮攝影錄影【幸福宣言】

今日同Kenneth再去金都，目的只有一個──

就係book婚禮攝影錄影~

對於婚禮攝影錄影方面o既o野，我同Kenneth都唔識o架，
所以我都只係上網睇下人地o既意見咁囉...
由於之前陪Fion睇o既時候，佢話上網睇過d人話【幸福宣言】幾好，
佢想book，可惜因為師傅冇期而book唔到...
而我都睇過wedding magazine介紹婚禮攝影錄影o既資料，亦都有介紹【幸福宣言】呀!!
所以之前我同Kenneth都去睇過佢d相辦同package價錢，
大致上都OK~
於是今日就去落訂喇~~

我地o既package：
電腦效果片頭
全日拍攝剪輯及配樂(DVD一套)
一位攝影師(+$400 mark o左阿寶，佢就係上次同我地講解o個位)
一位錄影師
數碼拍攝：+$1,900，不出相，包執基本光暗顏色，奉回全部相底

『黑格比』

天文台o係下午6時正發出o左2008年第四個8號風球 ──『黑格比』

又o黎喇又o黎喇...又打風呀~
不過，放工先o黎掛8號風球，好似冇咩幫助咁喎...
睇o黎聽日都係要返工o架喇...

明年今日

明年今日...

一定...
既緊張又興奮；既忙碌又疲累...

但仍然期待 ── 明年今日

第一次入馬場呀!!

今日係『2008/2009年度馬季開鑼大日子』呀!!!

所以Kenneth同我去o左沙田馬場湊下熱鬧~~
我咁大個女都未去過馬場o架~
所以今日好似去旅行咁，心情好興奮呀!!哈哈哈哈^^
(我o係屋企出o黎o既時候，爸爸好奇咁問我揹住個背囊去邊，哈哈^^咁都俾爸爸睇得出我有特別o既地方去o添...唔通真係好似去旅行?!)

我地去到o個時第一場o岩o岩開跑呀!!
睇住d馬o係我面前跑過，真係好得意呀...^^
不過今日真係又曬又熱，
所以睇o左兩場之後，我地都係匿返o係室內...

十場裏面我地只係中o左第七場，
但扣除成本之後都仲有錢贏，
雖然唔係好多，但都叫攞個彩頭丫嘛~
所以都好開心呀!!
有得玩，又有錢贏~~哈哈^^

再接再厲~~

上星期六第一次去試妝，效果唔太滿意...

於是，決定book另一間再試!!

新娘化妝：【純美新娘】
其實前前後後我都去過百利三次，
而每次我都經過哩間舖頭...
睇過佢地幫人化妝o既相，又上網睇過其他新娘對佢地o既評語，都OK呀!!
同埋我三次都係同唔同o既人去，佢地分別都覺得幾好~
所以，我就決定book哩間試妝!!

於是，我今日放工之後就去o左百利，
俾o左$380試妝費，hold o左期同MUA(我揀o左Kaki)先...
但係試妝日期就要待定~
因為我要等埋Catherine o既決定，如果佢都join哩間，咁我地可以約埋一齊試妝丫嘛~

試妝@【囍........愛】

今日Kenneth陪我去試妝呀~~

我第一次試妝咋!!心情有d緊張...

我地好準時6:00pm去到金都【囍........愛】
幫我試妝o既MUA叫Louise Tong
一坐低我就攞我d『功課』出o黎...
但佢都冇咩認真咁睇，冇了解我想要d咩...
我想要o既係young & fresh，不過佢覺得結婚o個日應該係唔細路同高貴喎...
(玩我咩?!咁即係我最唔鍾意o既成熟囉=.=)

褂妝(妝由MUA自由發揮，髮型照我要求)：
我想試o既眼影顏色(青草綠色)，佢又話唔好睇，
不過佢都照同我試，但佢完全唔係用o個隻色o既(佢用o左粉綠色，咁襯褂就梗係唔得啦!!)...
令我都覺得唔好...
最後用返佢話好o既顏色(啡紅色)，不過我真係唔鍾意...
個髮型就set得幾好，同我要求o既都有7成似，仲改o左少少o野o添...
頭花o既位置佢又set得好高喎，不過經我反映後就set返低d...
※朝早褂妝我覺得用青草綠色應該會好fresh o架，加上又有頭花同花球o既配襯...
   因為我諗住揀o既頭花同花球都會係粉紅色為主，再襯白色同綠色o既花花，
   咁點解個妝唔可以用青草綠喎?!呼應返個花球o者...
   用啡紅色真係好老囉...我又唔係諗住用紅玫瑰做花球...

晚妝(妝同髮型都由MUA自由發揮)：
用o左隻藍色試smoky eyes...
唔係深藍，亦都唔係湖水藍...
唉...都唔知點形容(似彩藍色)，又化到好濃好俗，總之又係o個句"唔鍾意"囉...(太重手喇...好妖野呀...)
今次就試o左2個髮型，都係將d頭髮set埋一邊，然後有部分頭髮放落o黎，一個係直，一個係鬈...
哩2個都係一般，冇咩驚喜...
但試o左個禮帽就好鍾意囉~~好靚o架~

佢用o左三個半鐘幫我試o左2個妝同3個髮型...(搞到Kenneth等o左咁耐...sorry呀!!)
佢係幾有心機o既，可惜唔係我要o既style...
其實由得個MUA自由發揮，就知佢o岩唔o岩自己...
佢用d眼影o既顏色，我都唔鍾意o既，只係佢自己覺得好...
同佢完全唔夾，同我想要o既完全係背道而馳，所以我都冇book佢...
一來我想試多個，二來佢真係唔o岩我...
Kenneth o既評語就係"佢冇將我化靚到，同埋好慢"
※由於我冇book到佢，所以唔俾影相呀!!冇相俾大家睇喇...
其實，頭先我見Queenie & Carrie(本來想book o既MUA)幫人試妝都好靚o架，而且仲好快手o添...
可惜佢地冇期啦...

老朋友...

老朋友...今日你又o黎探我喇...

識o左你咁多年，都唔記得有幾耐喇...冇十年都有七八年啦...
自從你上個月o黎探過我之後，我先真真正正咁認識你呀!!
原來你係──【偏頭痛】

一路以來，我都有頭痛...而我o既頭痛有兩種：
一種係輕微d (屬於普通頭痛)，只係個頭痛，身體其他部分都冇問題...
另一種就係比較嚴重d，個頭會好痛，會頭暈，四肢無力(真係行都行唔到，只可以瞓)，會眼花花，仲會嘔...真係好想死...
通常頭痛我都係食止痛藥就算，都唔會點理佢...
但係上個月頭痛o既時候，我去o左睇醫生，先知原來我一直都係一個偏頭痛o既「長期病患者」...
而且醫生話成因不明...
可能係遺傳，但係我屋企人都冇哩個問題喎...
所以今日上網搵o左d資料...
唔知你地有冇哩個問題呢?!

疾病名稱﹝中﹞：偏頭痛
疾病名稱﹝英﹞：Migraine

簡介
偏頭痛是一種劇烈的頭痛，主要集中在頭的一邊。據統計，全港有一成二的人患有偏頭痛，患者中以女性稍多，可能會有噁心、嘔吐以及光線敏感等徵狀。當腦部的血清素下降，血管會擴張，形成痛楚，做成偏頭痛。

病徵
偏頭痛最主要的病徵是頭部有嚴重的跳痛及重擊痛，不能忍受噪音與強光。頭痛大都集中在頭的一側。頭痛最久可持續至72小時，還有噁心、嘔吐、肚瀉、疲倦的情況。四份一的患者在偏頭痛發作前，會感到先兆，包括打呵欠、飢餓、口渴或視覺混亂(看到光線閃爍或鋸齒形的線等)，這些先兆通常不會超過一小時。

成因
偏頭痛的真正成因仍然未明，但一部份患者是與遺傳因素有關；因父或母患有偏頭痛，子女患病的機會接近五成。偏頭痛的發作可以有很多原因，如：
1. 食物：朱古力、芝士、紅酒、茶、咖啡等。
2. 生活習慣：缺乏充足睡眠及運動、食無定時、吸煙、長期處於壓力下等。
3. 不良環境：天氣變化如氣壓轉變、日曬過強、噪音過多等。
4. 荷爾蒙變化：女性在經期間、服食避孕藥時及停經等情形。

預防方法
應避免過度疲勞及精神緊張，均衡及適當地飲食，不應過飢或過飽。時常保持心情愉快，放鬆心情。另外應養成睡眠充足、飲食均衡、不煙不酒等良好生活習慣，排除這些偏頭痛的誘因。

治療方法
出現偏頭痛，可以從改善生活習慣著手，並配以藥物治療。病發時可靜臥休息。藥物方面，分急性治療及預防性治療。急性治療藥物包括消炎止痛藥和收縮血管的特效藥；若發作次數頻密，可考慮服用預防性藥物。但謹記不要過量服用止痛藥，否則有反效果。

是否有季節性
否

『第52屆婚紗時裝及結婚用品展』

上星期收到"i-Wedding Club"寄o黎o既VIP invitation card，

憑哩張請柬可以o係售票處換領入場劵一張，情侶2人同行可獲入場劵兩張~
本來諗住有free ticket就梗係去逛下啦~
(雖然冇o野要book，不過都係o個句，去八下丫嘛~嘻嘻^^)
點知尋日Kenneth竟然話唔想出街...
真係...浪費晒...

｡◕‿-✿ 初嘗穿婚紗的滋味

今日Anda約o左我同Catherine去睇下租婚紗禮服o既地方~

由於大家都係下年結婚，所以去八下囉~
其實我冇諗住咁早book o架，一來唔洗咁急，二來我想慢慢睇下先，睇多幾間比較下丫嘛...

婚紗禮服：【溫馨】
我同Catherine上到去，Anda已經試o左幾件，仲join埋package喇...
所以d staff就只係向我同Catherine介紹，
介紹o左幾件之後，佢問我地鍾意d咩款...
其實我都冇咩款係特別鍾意o既...
可能我只係想去八下，唔係想book，所以都不是太積極睇啦...
於是我就揀o左兩件都幾鍾意o既o黎試...
(由於我係免費試o既，所以唔可以影相呀!)
第一件，成件都好閃o架~
質地係紗，兩層咁o既，腰位有個粉紅色o既蝴蝶結o架~
試o左出o黎，大家都話好睇呀!!^^
我都幾鍾意，不過改短o左之後，o個兩層o既距離咪好近囉...好似有d怪喎...
第二件，上身閃，下身唔閃，下身全部係一層層o既波浪紗，好得意o架~
不過大家都話第一件好睇d喎...
我就心大心細，兩件都幾好咁...
當然，我最終都係冇book到啦~哈哈^^
※第一次著婚紗，好得意呀~~都幾靚丫~~可惜Kenneth冇o黎睇...

之後，我同Catherine去o左百利睇下新娘化妝，
睇晒咁多間，我地大家都幾鍾意【純美新娘】呀~
睇o左佢同人化妝d相，好鍾意佢地化o既眼妝呀~
好靚，好有神，好勁呀!!!
直情係『整容前，整容後』咁樣呀!!!
我地大家都幾有興趣，
但係我都要等下個星期六o係【囍........愛】試完妝之後再決定呀~
(之前想book【囍........愛】o既Queenie已經俾人confirm o左喇，所以我要試其他MUA，唔知效果點呢...有d擔心...所以搵定多個MUA打底...呵~)

❤ 4th Anniversary ❤

知唔知今日係咩日子呀??

除o左颱風襲港，有一日假期之外...
仲有...

今日係我同Kenneth拍拖週年呀~~
但係竟然被『鸚鵡』襲擊，搞到我地兩個都要各自留o係家中渡過...
激死呀!!!

唉...真係有幸有不幸呀...

『鸚鵡』

天文台o係早上7時40分發出o左2008年第三個8號風球 ──『鸚鵡』
隻『鸚鵡』唔止係飛埋o黎，直情係正面衝埋o黎香港呀!!!

天文台仲話會掛更高o既風球o添~~(@o@咁勁o既?!)
究竟最高會去到幾號呢??
※特別風暴消息：天文台o係下午1時40分改發9號風球!!

其實哩幾日，好多人都已經講哩個風球一定打得成，
所以我尋晚去o左『入貨』，買o左好多乾糧...(其實係俾個藉口自己去買零食就真，哈哈!!)
真係買o左好多好多，幾日唔出街都得喇...^^
不過，好多o野都俾人搶晒呀!!
尤其係麵包店，真係咩都冇晒...
其間聽到有人講：聽日唔似打風，似打仗多d...
又真係幾似喎~~

今年發生咩事呢?! 咁多風多雨o既...
8月頭先掛過一次8號風球，而家8月尾又掛一個...
令原本沒有假期o既8月增添色彩呀~~哈哈^^

『金都』一遊

今日同Kenneth去o左金都商場，

主要目的係睇下新娘化妝 & 婚禮攝影錄影...
(雖然我唔係第一次去，不過同Kenneth一齊去就係第一次呀~)

近哩幾個星期，我日日都金睛火眼，睇o左好多有關新娘化妝o既website同blog...
(真係辛苦過返工呀...陰公...v_v")
但係問o左幾個o岩心水o既MUA，佢地o係我big day o個日都已經俾人book o左...
跟住我再睇下其他o既MUA，有d就唔o岩自己o既style，有d就髮型千篇一律...
(你知啦，我個人貪玩丫嘛...咪想要多d變化囉...呵呵~~)
唉...o個時都幾煩o架...真係唔知點好...
※ 之前問o既MUA全部都唔係金都o架，可惜最後都係要揀金都...

所以其實我去之前已經做o左"功課"o架喇~
唔洗『盲中中，四圍中』丫嘛~
於是我就鎖定o左兩間必去o既~

新娘化妝：【囍........愛】
哩間係我之前陪Fion行金都o既時候睇到o既，
雖然Fion唔係book哩間，亦都冇朋友試過...
不過唔知點解，見到o既時候覺得幾好咁...(可能係佢d頭飾吸引我卦...)
於是，今日入o左去問價錢同有冇期...好彩都仲有期，
傾o左一陣之後，就俾o左$300 book o左8月30日試妝喇...
上網聽人講Queenie幾好，可惜佢已經有人hold o左期，
要等試完妝先知佢o個日有冇期囉...
唔知其他MUA又好唔好呢...
※ 同我傾o個個MUA話，我適合cute o既造型喎...
    如果Queenie真係冇期的話，會介紹一個擅長造cute造型o既MUA俾我喎...
    死啦!!都一把年紀啦...會唔會俾人話我低能o架...

婚禮攝影錄影：【幸福宣言】
哩間係Fion想book o既，不過佢big day o個日已經冇期喇...
所以book o左第二間...
而且哩間網上都有好多人讚，所以我地都去睇下...
睇過佢地d相辦之後，都覺得幾好~
而且佢都唔hardsell囉...
唔會狂sell我地用貴plan...
不過我地都要返去考慮下先，所以未confirm呀~

盜墓迷城3 (The Mummy: Tomb of the Dragon Emperor)

導演 ：洛高漢

演員 ：班頓費沙
　　　 李連杰
　　　 馬莉亞碧露
　　　 楊紫瓊
　　　 梁洛施
　　　 黃秋生
　　　 尊漢勒
　　　 王盛德
　　　 陸克福特
片種 ：動作 / 劇情
級數 ：
日期 ：2008年7月31日

帶領我們回到1946年，探險家阿歷奧哥魯(班頓費沙飾)與妻子伊芙蓮(馬莉亞碧露飾)經歷了二次大戰為英國作間諜的生涯後，過著退隱生活。但野性難馴的探險家始終不甘於安逸，於是他們接受了「最後的任務」：將一件被盜的珍貴藝術品帶回中國上海。
他倆的兒子艾歷士(陸克福特飾)，遺傳了父母的探險精神，還瞞著雙親進行考古研究，但年輕狂莽的他卻闖下彌天大禍，誤中圈套，讓遠古前被女術士(楊紫瓊飾)施咒、並封印在喜馬拉雅山之地下墓陵的漢皇(李連杰飾)，從千年沉睡中甦醒，只要他尋找到處於傳說中夢幻之地香格里拉的魔幻永生池，並喝下池中聖水，就能喚起旗下一萬名兵馬俑重回人間，延續他征戰討伐的野心。
鑄成大錯的艾歷士唯有向木乃伊專家──他的父親阿歷求助，父子同心卻屢遇阻撓——為保守皇陵位置秘密、不惜殺死任何人的女刺客蓮 (梁洛施飾)橫刀相向；一直企圖喚醒皇帝、極具野心的楊軍官(黃秋生飾)從後殺出。一場驚心動魄的大戰一觸即發……

驚『囍』聚會

尋晚o既舊同學聚會，真係好開心呀!!

因為大家都各有各忙，好難得先可以約埋一齊~
而且既驚喜又開心o既事仲一浪接一浪呀~~

首先，Anda宣佈佢下年結婚呀~~
恭喜恭喜^^
真係好驚喜呀!!!
跟住，Catherine都宣佈佢下年結婚呀~~
恭喜恭喜^^
真係好開心呀!!!
你話係咪一浪接一浪呢~

壓軸o既驚喜出場喇...就係...
佢地兩個係同一日結婚o架!!!
真係約埋都冇咁"轎"呀!!
(仲有呀...Catherine同我一樣book o左同一間酒樓呀!!好開心呀^^)

下年真係好多人結婚呀~
我仲有兩個舊同事都係下年結婚...
就係Fion & Kelly~
(我有好多伴呀~~嘻嘻^^)
下年一定非常熱鬧呀!!!!!

【三不賣】

今日做o左一樣由細到大都未做過o既o野...

今日同Kenneth去尖沙咀，

經過有間叫【三不賣】o既舖頭，
哩間舖頭只係賣一樣o野，就係『野葛菜水』。

『野葛菜水』聽就聽得多，但我就從來都未飲過o架...
我問Kenneth『野葛菜水』係咩味，佢話好似西洋菜湯咁o既味喎...
Kenneth話佢要飲返碗，咁我就飲o左一啖試下...
嗯...原來真係好似湯咁o架...都幾好味喎~~
於是，我都叫返碗飲(我見d人會落鹽o架，不過我就冇落)，
我仲飲得好快o添呀~~哈哈^^

【三不賣】個名咁得意，知唔知係點解呢?!
答案係：「不夠火喉不賣，不夠材料不賣，地方不乾淨不賣」

『北冕』

天文台o係早上5時40分發出o左2008年第二個8號風球 ──『北冕』

今年真係犀利呀!!
咁快就掛o左兩個8號風球...
真係一個字『勁』呀!!!!

今日仲係PaPa's Birthday~~
本來約o左親戚食飯o架，而家唯有要取消lu...
不過唔緊要~
我地自己一家慶祝，都好開心o架~~
※ 祝爸爸『福如東海，壽比南山』

My Birthday ｡◕‿-｡

一年一度又生日，咁又大一歲喇~~

聽日就輪到Kenneth大一歲~
哈哈^^

『囍』❤ 婚宴場地@尖東【御苑皇宴】

今日去o左睇婚宴場地~

全部都係尖沙咀區，方便大家嘛~~
最後三強 (排名不分先後) ：

1) 美麗華【東海】：
    FULL o左喇~
    有個九龍公園泳池景，樓底都幾高，又有水晶燈，個場都OK。
    不過知道個場俾人book o左就走lu...
    (本來諗住哩間冇咩人會揀o架，點知真係出乎意料之外呀!!)

2) 海港城【鴻星】：
    已經有3對新人hold o左，所以我地都唔執輸hold埋一份，哈哈^^排第四呀~
    有海景，不過樓底唔高，都有水晶燈。
    不過個場比較窄，因為係長方形，個場我都幾鍾意。但價錢方面...都幾貴呀...

3) 尖東帝國中心【御苑皇宴】：
    佢有3個廳，其中兩個已經俾人book o左喇...
    有維港海景，樓底都係唔高，但都可以接受，
    加上有水晶燈同燈光效果，好靚呀~~
    其實一路以來都好鍾意哩間o架，一路都keep住留意佢o既最新消息。
    不過min charges o既關係，所以都唔打算選擇哩度...
    本來只係睇下o架咋，點知...
    上去睇完場同聽完講解之後，原來min charges都係可以接受~
    於是...
    我地就confirm book哩度擺酒喇~~
    仲落o左第一次訂($10,000)呀~

終於都搞掂o左婚宴場地o既問題喇~安樂晒~~
而且仲係book到我o既first choice呀!!!
我都算幾好彩，一來揀到自己鍾意o既日子，二來又可以book到鍾意o既場!!
好開心呀!!

※特別鳴謝：Frankie
佢真係好好，其實4月o個時佢已經陪我地睇o左一次場o架喇...
今日又陪o左我地行o左成日，仲俾o左好多意見我地，真係好感謝佢呀~~

上班前的煩惱

出外前打扮裝身是女人最三心兩意的時候。每天朝早，你又需要多少時間才可踏出家門呢？

***哩篇漫畫完全講中晒我呀...哈哈^^

❤大日子 ── 20092009❤

去搵師傅擇日子都已經係個幾月前o既事o黎喇...

本來諗住俾"四大長老"揀個日子都唔洗好耐o既o者，點知一搞就搞o左個幾月(足足50日)喇...
真係...無奈...v_v

其實"四大長老"裏面，有三位都係冇所謂，俾好大自由度我地o既~
只係其中一位比較有意見囉...
至於係邊位就唔好講喇...
你知我知就算啦...哈哈^^

今日終於忍唔住問o左o個位"長老"，最終佢都俾我地自己決定返！
咁我地就揀o左師傅話最好o個日── ❤2009年9月20日❤
(靜靜雞講你地知丫，哩日係我心水日子o黎o架!!哈哈^^)
就咁樣，我地『大日子』就揀好o左喇~~

街頭超人 (Hancock)

導演 ：彼得保

演員 ：韋史密夫

　　　 查理絲花朗

　　　 積遜比曼
片種 ：劇情

級數 ：
日期 ：2008年7月3日

居於美國洛杉磯的街頭超人亨哥(韋史密夫飾)天生異稟，擁有超能力，能夠飛天遁地，力槍不入。他一心想「替天行道，儆惡懲奸」，拯救萬民，可惜往往烏龍百出，成事不足敗事有餘。亨哥好心做壞事，超級英雄當不成，反被人視為超級掃把星。
失意的亨哥終日酗酒，於街頭流離浪蕩，直到一次他救了公關顧問雷艾柏 (積遜比曼飾)，雷艾柏感恩圖報，決定幫亨哥重新建立形象，以公關策略配合宣傳攻勢，讓他來個谷底反彈。
但自古英雄難過美人關，亨哥與雷艾柏的索爆老婆瑪莉(查理絲花朗飾)之間有原來有不可告人的秘密？他又能否過關斬將，成為真正的超級英雄？想揭開這位反傳統騎呢超人鮮為人知的身世之謎，以及他跟雷艾柏及其索爆老婆瑪莉如何了斷，萬勿錯過暑假頭炮笑爆咀的《Hancock - 街頭超人》。

拯救Hello Kitty，「黑」不容緩！

 

Hello Kitty Black Wonder是什麼？

繼與Hello Kitty捉迷藏及到訪她的神秘大宅後，今年Sanrio首次邀請大家進入Kuromi的黑色城堡！事源自稱惡魔的Kuromi將Hello Kitty頭上的蝴蝶結奪去，並將Kitty House變成她的黑色城堡，如今Kitty & Daniel雙雙被囚禁在內！您們願意拯救Kitty & Daniel嗎？您的每一步、每一個決定，將牽扯著歷險旅程的推進，改寫Kitty & Daniel的結局！

 

展覽詳情

日期：17.7.08 - 3.8.08
地點：九龍灣國際展貿中心
開放時間：10am-8pm
票價：HK$100 / HK$120*
        (優惠票：HK$50 / HK$60*)
        *此為特快票
官方網站：http://www.hkblackwonder.com/

『風神』

天文台o係晚上10時45分發出o左2008年第一個8號風球 ──『風神』

佢個名真係有型!!
聽到都覺得佢好勁呀!!哈哈^^
唔通有個『神』字真係會勁d o既...
不過，大家記得要留o係安全o既地方呀!!!

《魔幻王國：卡斯柏王子》(The Chronicles of Narnia: Prince Caspian)

導演 ：安德魯亞當遜 (Andrew Adamson)

演員 ：利安尼遜 (Liam Neeson)
　　　 賓班尼斯 (Ben Barnes)
片種 ：特技 / 動作 / 歷險
級數 ：
日期 ：2008年6月5日

彼得、艾文、蘇珊、露西，推翻冰封納尼亞世界的白女巫，回到現實世界一年後，納尼亞已經歷了一千三百年！此時的納尼亞已被兇悍的坦摩族人（Telmarines）所侵佔，不但盛世不再、魔幻生物避隱山林，大地更變為佈滿著危險氣息的黑暗世界！
坦摩族暴君Miraz大帝，殘暴不仁，為了扶正親兒成為王儲，下令追殺正統王位繼承人卡斯柏王子。卡斯柏逃入森林，遇上避隱的納尼亞魔幻生物，並吹響了傳說中屬於蘇珊女王的號角，將彼得、艾文、蘇珊、露西喚回納尼亞。一方面卡斯柏苦苦抵抗來犯，另一方面四人展開營救，連場惡戰坦摩族追兵後雙方終於會合。坦摩族大軍殺到，形勢千鈞一髮，大家只能期望獅王阿斯蘭及時重現，喚醒沉睡的神秘幻獸如山精、水神、樹怪等重組光明勢力，與Miraz魔軍展開決定納尼亞命運的終極一戰！

『第51屆夏日婚紗及結婚用品展』

今日同Kenneth去o左『第51屆夏日婚紗及結婚用品展』

嘩...有2個展覽館o架...好多o野睇呀!!

我都係第一次去婚紗展o架咋...哈哈^^

因為我地要開始做資料搜集呀!!

※其實Kenneth佢病病地o架，但佢都肯陪我去，等我o係度讚揚下佢啦~~哈哈^^

全港首個最大型的夏日婚紗博覽

全港最大型一站式結婚服務展覽，提供至齊全、至新的婚嫁產品及服務。

結婚用品及服務
婚紗攝影、婚紗晚裝及裙褂租售、男士禮服租售、酒店及酒樓婚宴服務、花球設計/場地佈置、洋酒、禮餅、花車租賃、錄影服務、結婚請柬、旅遊服務、家居用品、銀行信貸、保險服務、新娘化妝及形象設計、結婚禮品、結婚資訊網站公司。

珠寶手飾
結婚戒指、龍鳳手鐲、耳環、項鍊、手鍊、鏈墜、鑽石、黃金及珍珠首飾。

美容用品及服務
化妝品、美容護理用品、美容療程服務、香薰產品、天然健康用品、美髮及護理用品、減肥食品及用品、健康食品、矯型內衣、纖體及健康中心。

情侶精品及擺設
水晶及玻璃擺設、銀器擺設、飾物、朱古力禮品、包裝紙品、工藝品、人型公仔塑像、環保紙品。

終於都嫁得出了!! ｡◕‿◕｡

o係今年初，我同Kenneth決定o左一件人生大事!!

就係──『我們結婚吧!!』
而且o係5月11日，我地同"四大長老"講o左我地2009年結婚^^

就係咁我地今日去o左黃大仙搵師傅擇吉日呀!!
由於o個度o既舖頭真係多到暈，加上我地未試過，咩都唔識，
所以我一早就問o左朋友介紹，幾叻女!!呵呵~~
去到師傅度，講晒d資料俾佢知，佢就開始埋頭苦幹...
開頭已經同佢講o左我地要求2009年尾，
最後佢就俾o左6個吉日我地...仲幫我地排好先後次序...
最好o個日竟然係我心水日子呀!!!
勁開心呀!!!
而家就要等"四大長老"過目，然後再決定揀邊日喇...
好心急，好緊張呀!!!
因為好想係o個日呀!!!

一個好爸爸 (Runpaparun)

導演 ：張艾嘉

演員 ：古天樂
　　　 劉若英
　　　 苗可秀
　　　 劉一含
　　　 莫少聰
　　　 狄龍
　　　 譚俊彥
片種 ：劇情
級數 ：
日期 ：2008年4月10日

這是有關一個黑社會大佬和他生命中最重要的三個女人的故事。
黑社會大佬李天恩(古天樂飾)在自己的喪禮之中，回想一生…。
……在龍蛇混集的環境中長大，從小便加入了黑社會。幫會廝殺、互爭利益、彷彿都是生活裡再正常不過的事。儘管天恩母親對他管教嚴苛，一直勸著他改邪歸正，李天恩都沒有當一回事。 十多年間，由一個江湖小混混晉身至黑幫大佬位置，金錢、女人都來得容易，天恩可從沒有想過安定下來，直到一天，遇上了初出茅廬的女律師陳美寶(劉若英飾)，二人旋即打得火熱……。

嬌滴滴又愛得一心一意的美寶懷孕了，她要求天恩跟她結婚。天恩逃避責任，美寶便索性大著肚子搬天恩家裡。對於愛情和家庭，美寶永遠立場堅定，不屈不撓的精神，讓天恩一些時候亦不得不甘拜下風。

然而，真正讓天恩神服的是一個小女孩------他的女兒喜兒。

喜兒的誕生激發了天恩潛藏的父性，喜兒的一顰一笑，一哭一笑，都直接牽動著天恩的情緒。為了喜兒的快樂和幸福，天恩願意上刀山、下油鑊。因為不能讓女兒傷心，天恩一直隱瞞自己是黑社會的真相，為此，天恩給自己和追隨他的手足打造新形象，黑幫生意也要轉營，生意逐步正經化。天恩亦由人見人怕的黑道煞星轉為普通的上等人，看見喜兒一天一日成長，天恩更加不愛兵戎愛家庭。

轉眼，喜兒亭亭玉立，天恩的黑社會身份卻意外被人披露出來，傷心的喜兒勸爸爸退出江湖，但黑道的叔父輩早視天恩為江湖接班人，敵人也對虎視眈眈，面對瀕臨瓦解的家庭，與所為的江湖道義，李天恩始終進退兩難……。

史柏力魔怪書 (The Spiderwick Chronicles)

導演 ：馬克禾達斯

演員 ：費迪夏摩亞
　　　 瑪麗露絲柏嘉
　　　 大衛史特萊恩
片種 ：特技
級數 ：
日期 ：2008年3月20日

孿生兄弟謝樂和世文（費迪夏摩亞分飾）隨母親和姊姊美洛遷入一間荒廢多時的古老大屋，當晚即發生連串怪事，把三姊弟嚇破膽。後來謝樂無意中發現一本神秘的魔怪書，當中記載無數令人匪夷所思的魔怪檔案，令謝樂大開眼界。魔怪書卻惹來大魔怪魔格幻夫的垂涎，希望藉著得到書中的奧秘，統治魔幻世界！魔格幻夫對三人軟硬兼施，恫嚇、綁架、利誘等無所不用其極……
魔格幻夫的大軍步步逼近，在月夜之下，連保護魔怪書的最後防線――防護結界也被侵破。謝樂三姊弟孤立無援，為救自己，同時也為保護魔幻世界的存亡，三人只好和露出獠牙利爪的魔獸軍團，在淒冷無人的晚上展開殊死一戰……