『囍』❤ 姊妹裙(一)@【松柏】

今日約o左我o既姊妹去揀姊妹裙呀~

除o左有一位姊妹住o係香港島，而且又要晏收工，所以冇o黎之外...
其餘四位姊妹都到齊~
(齊人就有五位呀~)
好開心呀!!^^

其實一話結婚o既時候，就已經鐵定o左搵佢地做姊妹o架喇~~
所以一揀好日子，我就即刻邀請佢地~
佢地個個都好好，冇拒絕我呀!!
真係好感動呀!!
加上我做佢地四位o既伴娘同姊妹時，佢地都有提供姊妹裙俾我...
所以我都唔想佢地為o左做我o既姊妹，而要破費去買衫~

今年Fion同Kelly結婚o既時候，佢地都係o係金都【松柏】租姊妹裙~
所以我哩兩次做姊妹時都係o係【松柏】度揀衫...
都覺得d款幾多幾好，所以我都唔o係出面搵喇~
就o係返哩間租啦~~
(至少佢唔係黑店丫嘛~~)

大家試過三隻色(粉橙色、粉紅色&香檳金色)之後，最後都係覺得粉橙色最好~
(嘻~我都覺得係呀~因為我做兩次姊妹都係著粉橙色o架~)
所以就決定著粉橙色o既姊妹裙喇~~