定婚宴菜譜@尖東【御苑皇宴】

今日我地仲去埋【御苑皇宴】定婚宴菜譜呀!!

其實都係暫定先o者~之後仲可以再改o既~

同埋傾o左好多細節o既o野...
例如：要幾多個油畫架、相簿枱要大定細、要幾多個抽獎箱、幾時攞回門乳豬、要紅酒定V.S.O.P.、要唔要佢地送俾客人o既紅酒coupon等等...
另外，佢仲俾o左隻宴會音樂o既CD我地返去參考...
分別係o係7個環節時播o既...
1) 壓場
2) 司儀進場
3) 新人進場
4) 証婚
5) 上頭盆(即係乳豬)
6) 敬酒
7) 送客
但我地都可以自己提供音樂，唔想煩的話就可以用返佢地o個d...

仲有，最重要梗係攞"喜宴請帖換領書"啦~~
因為我地都要開始準備印帖喇...
我地可以用返酒樓款o既帖，亦都可以轉同價或補差額o既帖...
咁都幾好~~^^

交《擬結婚通知書》@【世紀見証】

今日去o左【世紀見証】呀...

由於早排佢地email o左份《擬結婚通知書》俾我，但我又唔係幾明要點填喎...
於是今日就帶埋份o野上去，直接叫佢地教我地點填囉...
好過填錯晒又要再填過啦...
成份o野有4張紙，但原來得2張係要填咋...
好彩問一問，唔係就晒時間填多o左o野喇...
終於搞掂o左喇~~唔洗再對住份o野"R"頭喇~~

My New Mobile ❤ Samsung Omnia i908 (Purple)

今日終於都"的起心肝"去買新電話喇~

舊o個部終於都要退役lu...
其實一路都想買新o既，不過用慣o左又唔捨得換...
但自從上次攞張SD card出o黎再放返入去，佢就感應唔到張card喇...
點整都搞唔到...
加上佢舊電開始老化，日日都要叉電...
講講下又會突然cut線喎...
所以快快趣趣換o左佢，費時佢突然間壞o左，我就"乸"手唔成世喇...

今年見到好多手機都出o左粉紅色...成行成市...
但係我兩年前已經開始用喇...
o個時比較少手機有粉紅色，所以都幾特別...
但而家好似咩牌子咩型號都會有粉紅色咁...
所以都唔想再用粉紅色，想轉下其他顏色...
(um...如果真係要我揀返粉紅色，我諗最靚都係我最多fd用o既Samsung F488 o個部喇...^^)
咁o岩俾我見到哩部手機個紫色好靚呀~~
就係因為咁...所以買o左佢囉...
我都係第一次買Samsung o架咋~
同埋第一次用而家好興o既touch screen手機囉~哈哈^^

而家o係【Boardway】買o野除o左可以用【Citibank】信用咭做18個月免息分期之外，
原來仲可以用23,000分當$100用~
一路以來我都從未試過用信用咭o既積分換o野o架...
點知今次咁有用呀~~哈哈^^
同埋佢係可以一次用晒d積分o架...
初時我以為只可以扣一次23,000，點知佢同我講可以用晒...
咁我當然唔執輸用晒d分啦~~
我總共用o左138,000分當$600用呀~~勁開心~~

ღ 眼鏡 ღ

好多年冇配新眼鏡喇!!!

起碼都有五六年呀!!!
成日都想配副新o既...
諗住配副新款d o既，有時可以唔洗戴con，戴下眼鏡出街都得丫嘛...
(但舊o個副真係好老土，所以都唔敢戴出街囉...)
但成日都諗遲d啦...遲d啦...遲下遲下...
遲到而家先去配囉...

哈哈^^唔講唔知...其實我有成800度近視o架~~
唔戴眼鏡o既話，真係同盲o既冇咩分別...

1st Fitting@【Mee Wedding】

今日終於都去【Mee Wedding】1st Fitting喇~~

好開心呀!!
雖然我造租o個件粉紫色晚裝未返o黎~
不過佢地都返o左好多好靚o既新晚裝呀!!
我都試到夠晒皮喇~~哈哈^^
(由5:30pm試到7:30pm呀!!!阻住大家收工o添~~嘻嘻~~)

唔講唔知，原來我揀o既款都比較另類(我諗即係冇咁"大路"卦)~~
因為Kennis話我揀o既婚紗、晚裝，甚至係裙褂，都比較少人揀同租o架!!
(所以我d衫好少人著過o架咋~~好新呀~~)
哈哈^^係咪好"獨特"呢~~
同埋原來我著A-line都幾好睇o架~~
唯一o既缺點係...太矮囉...亦都係最大o既缺點!!

試晒d婚紗晚裝之後，就係去到要決定o既時刻喇...
件件都咁靚，到底揀邊件好呀??
最後，我都係揀返一見鍾情o個兩件晚裝呀~~呵呵~~
1) 粉紫色花花晚裝(迎賓)：非要不可!!
2) 粉紅色娃娃裝(敬酒)：上次落訂o既時候，o係門口個櫥窗見到之後就愛上喇~~
    (Kennis知我打算用哩件衫o黎敬酒，就覺得好浪費呀...因為只係著一陣嘛...)
3) 粉綠色A-line(送客)：第一次去睇相簿就對佢一見鍾情喇~~因為個顏色非常特別~~
好彩我著出o黎都幾好睇o者~~哈哈^^
大家有冇留意到我件件晚裝都有個"粉"字o架!!哈哈哈哈^^

婚紗方面，我自己就鍾意d有層次(一層層or泡泡)o既款...
唔鍾意就咁一塊過o既婚紗...
最後試o左幾件...
一層層款o既cutting好似唔係太o岩我...
所以揀o左件泡泡款呀~~
個款好似我o係【FranceBridal】影相著o個件o架~~
又係成件都車晒銀線同釘o左珠片&水晶o架~~
但【Mee Wedding】哩件o既泡泡就冇咁密...
不過由於我要改短件婚紗o既關係，所以Kennis話可以幫我再整多少少泡泡呀~~好o野~~
【FranceBridal】o個件係咁o架↓


另外，我仲o係【Mee Wedding】揀埋裙褂呀~~
我揀o左件有9個"囍"字o既褂呀~~都幾閃o架~
之前陪Kelly去【名婚紗】試衫o既時候見過，覺得都幾特別，因為佢有幾個由閃石做成o既"囍"字~
不過如果我o係【名婚紗】租一件就會貴d，所以打算睇埋【Mee Wedding】d款先決定...
點知原來【Mee Wedding】都有哩件呀~~
超開心呀~~仲平d呢~~

哈哈^^我大日子著o既衫，全部都o係【Mee Wedding】度搞掂晒喇~~
o係【Mee Wedding】度試衫，真係好開心、好舒服~~
好有屋企feel呀~~三個舖位都好獨立，完全唔受騷擾~~

Kennis又好好，親自幫我換衫~~

同出面o既婚紗舖唔同，見到o既只有sales，佢地只會叫你俾錢俾錢同俾錢囉...
仲有邊會見到個老闆o架，仲咁好傾，又俾好多意見我...
真係好難得呀~~^^

『囍』❤ 姊妹裙(二)@【松柏】

今日我陪o左其中一位姊妹去揀姊妹裙呀~

由於上次同其他姊妹揀姊妹裙o既時候係平日，所以佢冇出席...

佢係星期六/日會比較方便d o既，於是我地就約o左今日~

好o野~~終於都揀好晒喇~~

聽日就輪到我自己揀婚紗晚裝喇~~^^

ღ 小物 ღ

1) 頭箍

我之前用o個d膠頭箍成日都斷開兩截...
所以又要買過...
今次買個入面係鐵線o既，應該唔會斷喇卦?!


2) 估唔估到佢係咩o黎呢??
係用o黎套住支筆o架~~哈哈^^
係咪好無聊呀??
見佢咁得意，又平平地咪帶佢返屋企囉~~

溫馨提示：仲有3個月就變師奶

痛痛痛 >.<"

今日一日之內睇o左兩個醫生呀!!!

點解要睇兩個醫生??
因為又頭痛又牙痛囉...
所以就睇o左自己o既家庭醫生同牙醫...

本來今日只係諗住睇牙醫之嘛...
點知今日個太陽超曬，曬o左一陣就...頭痛喇...
(因為我不嬲都有偏頭痛，所以好容易就會引發出o黎...)
醫生見我成日都頭痛，於是就叫我去照下個腦喎...
起碼知道係真係偏頭痛定係個腦有問題...
嗯...哩個等我考慮下先啦...
食藥時仲發現醫生唔單只開o左止偏頭痛藥俾我，仲有隻係有鎮靜作用o既藥o添!!@_@??

之後我就去睇牙醫...
因為早幾個星期有一邊牙肉(智慧齒上面o個舊)好痛...
之後牙肉上就生o左一粒好似瘡仔咁o既o野...
於是，我就揸下d藥膏，不過都係冇用...
跟住佢仲變成一粒肉粒咁樣...
仲有成日都隱隱作痛...
於是今日就的起心肝去睇下咩事...
好彩...牙醫話係由於智慧齒仲出緊，但o係隻牙同牙肉之間有d縫隙...
所以就會走d污穢入去，引致牙肉發炎同含膿...
而o個粒就係膿頭喎...
佢話幫我打支麻醉針，之後就刮走佢...
我聽到之後就好驚...好似好恐怖咁o既...
佢就安慰我，叫我冷靜d，冇事o既，打o左針就唔痛o架喇...
唉...點都要整走佢o架啦...死就死啦...
果然打o左針，就真係一d感覺都冇...
(佢幫我打針o既時候好似當o左我係小朋友咁，用氹小朋友o既語氣不停咁話"好叻喎"=.=")
不過而家就開始有d痛喇...仲有個傷口仔o添...
好彩佢都開o左d消炎藥同止痛藥俾我...
希望快d好返啦~~

爸爸知我牙痛，今日睇過我舊牙肉之後，都叫我去睇睇佢，
我就同佢講我約o左喇...
當我睇完之後，佢返o左工都打返o黎問我：點呀??冇事呀嘛??
咁細心o既男人去邊度搵??定係我真係咁小朋友??
由細到大爸爸都係咁...最關心我o既都係佢...
遲d搬出去，最唔捨得o既都係爸爸!!

o係張牙醫開o既病假紙上見到個病名：Pericoronitis
於是就上網搵下資料，原來哩種叫：

疾病名稱 (中)：智慧齒齒冠炎 / 智慧齒冠周炎
疾病名稱 (英)：Pericoronitis

簡介
智慧齒是恆齒的第三大臼齒，共有四隻，分別生長在口腔上下頜的末端，一般在 17至25歲長出。有些人的智慧齒不能順利長出，而是出現阻生的情況，這便會形成智慧齒冠周炎等的後遺症。

病徵
通常發生在下頜的智慧齒，會出現面部及頜下淋巴腺腫脹、張口困難、吞嚥疼痛、口臭和發燒等症狀。

成因
由於智慧齒的牙冠與覆蓋它的牙齦之間容易積藏食物渣滓和細菌，導致牙冠或牙周組織容易發炎。

預防方法
每天用漱口水、含氟牙膏及牙線清潔牙齒及牙肉周圍，防止牙菌膜積聚；定期檢查牙齒及洗牙。

治療方法
將造成發炎的阻生智慧齒拔除。

翻生侏羅館2 (Night at the Museum 2)

導演 ：桑勒菲

演員 ：賓史迪拿
　　　 奧雲韋遜
　　　 愛美雅當絲
　　　 羅賓威廉斯
片種 ：喜劇
級數 ：
日期 ：2009年5月21日

《翻生侏羅館 2》講述「美國自然歷史博物館」進行去舊迎新大裝修，換上新一批高科技展品，導致「實Q」拉利（賓史迪拿）的一班老古董好友──總統蠟像羅斯福、侏羅紀暴龍化石及羅馬大王屋大維等，統統被移送到位於華盛頓、全美國最大的資料庫「史密森尼學會」存倉。豈料未夠廿四小時，這班嘩鬼已經闖禍︰一單法老王石碑意外令歷史上最猛料的四大惡人翻生，包括天下無敵的法老王五世、美國最臭名遠播的黑幫大佬卡邦、暴虐無道的沙王伊凡四世，以及法國好戰將軍拿破崙大軍殺到，搞搞震冇幫襯！西部牛仔史密夫（奧雲韋遜）見勢色不對，即急call拉利到華盛頓幫拖。沿途歷險驚喜萬分，拉利更與美國首位越洋女飛機師（愛美雅當絲）展開一段魔法良緣……

溫馨提示：仲有100日就變師奶

『囍』❤ 婚姻監禮人服務@【世紀見証】

今日終於搵o左律師做婚姻監禮人喇~

我地睇o左幾間：

1) 【壹誓證婚服務】
 　自從Fion結婚o既"烏龍"事件之後...對哩間o野有少少陰影，唔係幾想揀佢...
 　同埋我地o個日都已經full o左喇...

2) 【專業律師到場證婚】-【伊甸園】集團附屬公司
 　哩間係全場最平o架~
 　只係$2,500+$305=$2,805咋~
 　但係覺得佢地太hardsell囉...

3) 【梁嘉祐、陳佩玉律師行】
 　由於哩間係律師行，所以在場講解o既都係佢地o既律師，
 　覺得佢地幾老實，幾nice，談吐方面亦幾好~
 　佢地$3,500全包，仲送羽毛簽名筆、戒指枕同埋證書套...
 　(通常都係借用，但會展優惠就係送晒俾你)
 　加上佢地連續三年攞o左【生活易】o既優質商戶...
 　所以應該唔會太差...但係我地心水o個位律師已經冇期喇...

4) 【世紀見証】
 　哩間特別在佢有鄭家富囉...
 　但指定佢就會好貴，要$5,000 o架!!
 　普通o既就$3,099(原價$3,599)+$305=$3,404
 　包借用羽毛簽名筆及戒指枕，贈送賓客簽名冊及結婚證書封套...
 　另外仲會有一d coupon送...

本來我地想join【梁嘉祐、陳佩玉律師行】o架，因為感覺幾好~
(原來胡諾言都係搵佢地證婚o架!!)
但係我地心水o個位律師已經俾人book o左喇...
最後我地join o左【世紀見証】~
希望佢地盡量安排鄭家富o黎幫我地證婚啦~~哈哈^^

『囍』❤ 【榮華】唐餅咭

屋企話唐餅要買【榮華】喎...

所以今日我就去買埋...
佢地叫我買10張咋...
唔夠先再買喎...

『第55屆夏日婚紗、婚宴及結婚服務博覽』

今日好lucky呀~~
因為大會舉辦o既抽獎，(即係有入場劵就有機會抽o個個)

獎品只有三份...
我地不單抽中o左，而且仲係大獎o添呀~~^O^v~~
我地去過咁多次都未試過抽中獎o架~~
今次一抽就抽中大獎喇~~
超開心呀!!!
(如果係上次抽中大獎就好喇~因為獎品係鑽石戒指一隻呀!!!)
本來份獎品唔係我地o架，不過佢地抽o左三四次都冇人出o黎領獎...
之後就抽到我地喇...真係唔係好相信自己會咁好彩呀~
哩張就係我張lucky入場劵呀~


獎品係——
香港馬可勃羅酒店送出o既~
雙人豪華套房連房內早餐及酒店專車來回屋企接送服務(唔知值幾錢呢?)
酒店大堂餐飲禮劵價值$800
另外好似仲有商店購物禮券o架...(不過唔見有囉...)
總值︰唔係幾記得...好似一萬三千幾...
最衰有d日子唔用得啦...
我地結婚o個日就係唔得喇...仲諗住可以用o黎出門用o添...


另外，o係場內購物滿$2,000又有得抽獎~
今次抽到奇華席上禮餅一個~心型o架~

試妝@【純美新娘】

其實上年第一次試妝失敗之後，好快就已經去o左【純美新娘】@百利俾o左試妝費hold o左個期 & MUA-Kaki...

由於我一路都仲想搵其他更好o既MUA，所以一路都未試...
但當我想去約時間試妝o既時候先發現...
原來o個日Kaki幫我hold期o既時候，竟然冇同我hold返佢做我MUA囉...(我o個日真係有request o架!!!T^T)
點知佢之後又俾人book o左...
於是就搵o左另一個叫阿Kat o既MUA俾我...

今日約o左5點鐘試妝，我地都好準時咁去到...
之後慣性地攞我d『功課』出o黎俾佢參考...
亦都同佢講明最緊要"YOUNG"~
唔要高貴成熟型!!

褂妝 (妝照我要求，髮型由MUA自由發揮)：
我俾張相佢睇個妝，我想試o既眼影顏色係粉紅色&青草綠色，
(同之前2次一樣o架!!我真係好鍾意o個個model個妝~)
但佢用o左淺桃紅色&淺粉綠色囉...
個髮型set得都OK~


晚妝 (佢參考o左我o既『功課』之後，妝同髮型都由MUA自由發揮)：
用o左紫色o既眼影，我都幾鍾意~~
髮型set得一般...冇咩驚喜囉...


大家覺得點呀??
整體o黎講好似都係【Triangel】-CiCi好d喎~
因為CiCi化得好似...Young d 喎...
哩個都幾重要o架!!

『囍』❤ 【MONA LISA】婚紗相

收貨喇~收貨喇~

今日收到【MONA LISA】婚紗相喇~~^^


影返張大合照先~

要睇晒全部婚紗相，就請移玉步去"相簿"喇~↓

※照片含有驚嚇成份，可能會令大家情緒不安，希望唔會嚇親大家啦~~^^

http://cid-136cc46e7fb0396d.skydrive.live.com/browse.aspx/.res/136cc46e7fb0396d!2126?ct=photos

『囍』❤ 姊妹裙(一)@【松柏】

今日約o左我o既姊妹去揀姊妹裙呀~

除o左有一位姊妹住o係香港島，而且又要晏收工，所以冇o黎之外...
其餘四位姊妹都到齊~
(齊人就有五位呀~)
好開心呀!!^^

其實一話結婚o既時候，就已經鐵定o左搵佢地做姊妹o架喇~~
所以一揀好日子，我就即刻邀請佢地~
佢地個個都好好，冇拒絕我呀!!
真係好感動呀!!
加上我做佢地四位o既伴娘同姊妹時，佢地都有提供姊妹裙俾我...
所以我都唔想佢地為o左做我o既姊妹，而要破費去買衫~

今年Fion同Kelly結婚o既時候，佢地都係o係金都【松柏】租姊妹裙~
所以我哩兩次做姊妹時都係o係【松柏】度揀衫...
都覺得d款幾多幾好，所以我都唔o係出面搵喇~
就o係返哩間租啦~~
(至少佢唔係黑店丫嘛~~)

大家試過三隻色(粉橙色、粉紅色&香檳金色)之後，最後都係覺得粉橙色最好~
(嘻~我都覺得係呀~因為我做兩次姊妹都係著粉橙色o架~)
所以就決定著粉橙色o既姊妹裙喇~~