定酒席圍數@尖東【御苑皇宴】

今日Kenneth同Chris(年尾都o係係尖東【御苑皇宴】擺酒o架~)去o左【御苑皇宴】搵勞小姐確定酒席圍數呀!

因為之前我地只係預計13-15圍，但而家確定o左係13圍喇...
所以就去通知返酒樓囉...
原本我地用最平個plan再加錢轉蟹鉗...
不過而家得13圍，所以都係唔夠個min charges呀!
勞小姐幫我地計過，轉埋個瑤柱甫就o岩o岩好喇~~
所以我地就轉埋個瑤柱甫囉...
即係用最平o個plan，加錢轉o左兩個餸~

另外，我仲問埋佢地個美點雙輝係咩o黎...
原來只係笑口棗同合桃酥...
um...太普通太酒樓feel喇...
我問佢可唔可以要其他o野...
佢都好好問我想要d咩，我同佢講唔要中式o野囉...
其實我想要粉紅色心形o既棉花糖呀~~好sweet呀~~^^
佢話要問下師傅整唔整到~
本來諗住要埋桂花糕，但係佢用o黎做席前小食o架...
所以就諗緊仲有咩好喇...

※好o野~可以轉到粉紅色心形棉花糖呀~~
  另一樣就轉做糯米糍呀~~^^