今日放o左工,同Kenneth兩條友都唔知去邊好...
於是就"即興"去o左荃灣^^一來好耐冇行,二來想去試下網上好多人讚o既【嘉樂冰廳】~
去到o既時候已經排晒長龍喇...果然名不虛傳呀!!
等o左二十分鐘左右,終於有位喇~好o野~
當然梗係要叫佢最出名o既火腿奄列啦~
但見到佢個餐牌有"小火腿奄列"&"火腿奄列"2種,
我見小火腿奄列只係$16,火腿奄列就要$35...
於是我只係同阿姐講要火腿奄列,佢就同我寫o左小火腿奄列...
份奄列o黎到o既時候...
嘩...小火腿奄列都咁大份,咁火腿奄列貴一倍有多,唔知會有幾大份呢?!
仲有叫o左↓
鹵水豆腐 (d鹵水好入味呀!)
西多士 (好脆好香呀!)
凍好立克 (比普通餐廳o既大杯!)
兩個人食到飽飽,都只係$48~
好抵食呀~
地址:
荃灣新村街40B號地下
果份小奄列 ... 大個我個拳頭 (兩個拳頭加埋) ...我諗份 regular size o既奄列會有半張檯咁大 @.@
回覆刪除搵日試埋炸雲吞丫~~見d人食,好似好好食咁^^
回覆刪除