『囍』❤ 婚紗晚裝@【Mee Wedding】落訂

續尋日《尋找"My Dream Wedding & Evening Gown"的故事》

前日&尋日睇過其他舖之後...

覺得佢地o既晚裝都係大同小異，大部份款式都係好華麗、花巧，顏色亦比較鮮艷...
其實都係大眾化o既路線，大多數女仔都會鍾意~
但係，我偏偏就鍾意d款式簡單得o黎有details o既地方，顏色要柔和同舒服...
所以...
返到屋企個心就囉囉孿喇...
因為真係好鍾意【Mee Wedding】o個件粉紫色晚裝呀!!!

於是，今日就急不及待打去約今晚再去睇衫...
7:00pm好準時咁去到，個staff都認得我，問我尋日係咪o黎過~~哈哈^^
之後問我睇中邊件...
我就同佢講係粉紫色o個件...
仲叫佢同我睇下有冇期...
但係我真係非常"黑仔"呀!!!
件晚裝冇期呀...成個人即刻跌落谷底...好失望呀...
於是我就打算走喇...
就o係哩個時候，老闆Kennis過o黎見到我個樣咁down...
就問我係咪真係好鍾意...
我話係呀...
佢就提議做件新o既租俾我，不過就要收我貴d...
由於我實在太太太鍾意"佢"喇!!!所以我就OK o左~
雖然婚紗我未睇o岩，不過佢5月會返新款婚紗&晚裝...
所以我就join埋1婚紗+3晚裝o既package喇~~
試衫就會等d新婚紗晚裝返齊先，應該6月左右啦~
Final fitting仲可以轉款o架!!
另外，佢仲免費借一套頭飾&頸鍊俾我o添呀~~
(佢本身係冇得免費借o既，全部都要俾錢租...)

『囍』❤ 花球@【Trinice Flowers】落訂

之前影婚紗相時搵Trinice做o左個絲花花球，真係做得好靚~~

所以打算BigDay都會搵返佢做鮮花花球，
但係上星期問o既時候，我BigDay o個日o既booking已經full o左，唔再接單喇...
不過我同佢講，我真係好想搵返佢做花球...
最後佢都肯接埋我單~~真係好開心呀!!
佢話o個日真係好多人結婚，booking好full，又要做婚禮佈置...
真係好好生意呀~~
而且真係好多謝佢咁好人，唔洗令我咁徬徨周圍搵人做花球呀!!
其實真係估唔到，做花球都要咁快hold期囉...

今日俾o左$200訂hold期，婚前一個月先confirm花球款...
其實我已經有心水o架喇~~
※粉紅色風信子，粉紅色小牡丹花球，白色小蕙蘭，粉紅色美國玫瑰及白色桔梗花球


我係o係另一個網頁睇到好鍾意o既，所以會自己俾款Trinice做~
雖然我最鍾意o既花係繡球花...
不過我唔會做繡球花喇...
因為我已經有一個"永遠都唔會謝"o既"我的最愛"繡球花花球吖嘛~~哈哈^^

繼續尋找婚紗晚裝の旅

今日繼續出動去尋找"My Dream Wedding & Evening Gown"呀~~

第一站：【Mee Wedding】

婚紗大部份都係A-line款或者係內置細鋼...
晚裝一樣，大部份都係A-line款，不過d款簡單得o黎幾特別~
有2件好鍾意呀!!如果join o既話一定係必揀呀!!
就係哩2件：
1) 粉紫色晚裝，隻色好靚，出面搵唔到哩隻色...同埋個領位都好特別~~好鍾意呀~~


2) 我鍾意右邊粉綠色o個件呀~~都係隻色好靚，而且仲有小小粉紅色作點綴，幾特別~


Kenneth都話d款幾好幾平均~
不過佢地婚紗拖尾係要加錢o架$380-$880，
而且都唔包頭飾、頸飾、耳環o個d...
要join新娘化妝先有(因為老闆娘本身係做新娘化妝o架~)...
所以要再考慮下...

第二站：【Charming Image】
哩間最多人呀!!
因為價錢真係最抵!!
而且免費任試...
通常其他shop只可以免費試2-3件，
但佢就可以免費任試，直到你揀o岩為止先join都得~
不過睇過相簿d婚紗晚裝，都冇我鍾意o既款...
打算走o既時候，佢個staff就話有d新相o係電腦，
再俾埋我睇...不過都係睇唔o岩...
但就好欣賞佢地o既服務態度^^

第三站：【Princess Wedding】
哩間o既衫真係走"公主"路線~
因為佢主力係鋼紗款o既婚紗晚裝，但都有小部份A-line款...
佢d款都好華麗...
不過冇問包唔包頭飾、頸飾、耳環...

第四站：【V.L. Collection】
佢係【Princess Wedding】o既姊妹公司，
走o既係高貴成熟路線...
所有婚紗晚裝都係A-line款，冇鋼紗款o架!!
而佢o既賣點係所有婚紗晚裝都釘o左水晶o架~
(好似都係施華洛o架~)
個staff拎o左1件俾我地，真係好閃好靚~
Kenneth好鍾意...同【唯美主義】一樣，鍾意人地d款好閃...
原來佢鍾意d好閃o既o野o架...哈哈^^
但價錢都幾貴呀!!!
哩間都係冇問包唔包頭飾、頸飾、耳環...

睇o左咁多間，但都仲未搵到一件"My Dream Wedding Gown"呀...
晚裝就有d款都幾鍾意~A-line款多~
由於我身型比較矮小，我覺得如果著d太誇張、太華麗同太花碌碌o既款的話...
就會變得好類聚咁...
但A-line款，我咁矮...又好似好長咁...
都唔知點好...
不過，總之我就係鍾意young & cute o既款啦~~

其實我心目中係想...
婚紗&迎賓晚裝係鋼紗款；
敬酒晚裝&送客晚裝就係A-line款...(好似方便d、輕便d & "平易近人"d丫嘛~~哈哈^^)

最後，打算約時間去【Mee Wedding】試衫呀~

1st Fitting@【Red Wedding】

情人節行婚紗展時，o係【Red Wedding】俾o左$2,000訂，打算join婚紗晚裝...

今日行過就walk in睇下有冇得試~
我地5點幾入去問，佢話今晚7點可以，聽日就full晒，之後就要星期一...
我地反正都冇o野做，所以就book o左7點試...
於是我地就先睇相簿，mark低o左d款先，咁樣d staff就可以執定俾我~
但係睇o左1本相簿只係揀到1件婚紗...
好失望!!!
最後睇o左3-4本相簿，我都只係揀o左4套婚紗...
晚裝都唔係好得好多...
佢d款...真係睇唔o岩...唔知點形容...
Kenneth話係好浮誇!!冇錯!!就係好浮誇喇...
由於未有得試，於是我地mark完之後就出o左去行下...
而我個心亦決定搵第二間喇...

首先去o左【唯美主義】，哩間行expo都有睇過...
佢d婚紗晚裝鑲晒施華洛石，好閃...
不過價錢唔平，所以o個時冇考慮...
不過終於明白咩叫"一分錢，一分貨"哩個道理喇...
Kenneth就鍾意哩間囉...不過冇佢份呀...
因為如果【Red Wedding】我1件都揀唔到o既話，就俾佢揀晒禮服呀!
而家佢地都做緊promo：
1婚紗+3晚裝，優惠價$5,488 (原價$5,888)
free拖尾款 (原本加$1,500)
free A grade (原本加$500/件)
free 2件P款 (原本加$800/件)
free 4套頸鍊 (原本加$488)
walk in可free試2套 (不過我冇試)

之後想去【Eternity】，點知去到樓下，就俾個派傳單阿姐捉o左去1樓【蝴蝶‧樹】...
於是都去睇下...
不過，唔知係台灣o既style唔o岩我定係佢d款o既問題，
睇完相簿再睇實物都係睇唔o岩，於是走人...

終於都可以上2樓睇【Eternity】喇...
佢d款係自己design o既...(其他shop可能都係，不過我唔知囉...)
婚紗款好靚~
晚裝就太花碌碌喇...
佢d package有d怪...
R1：1婚紗+1男裝禮服 $3,280
R2：3晚裝 $4,980
R3：1婚紗+3晚裝+1男裝禮服 $6,888
R4：1婚紗+3晚裝+1男裝禮服+1裙褂 $7,680
冇1婚紗+3晚裝咁o既組合...不過個價錢都係貴...
walk in可free試3套 (不過我冇試)，即時join埋package就會每套婚紗晚裝都free頭飾、頸鍊、耳環

之後仲去o左【Eternity】對面o既【鴻運】，不過都係得個睇字~

行完之後都夠鐘返去試衫喇...
可能個心實在太失望喇...
唔係太想試，好想走呀...
我只係揀o左4件婚紗，其中仲有2件係要加錢o既，所以我決定唔試...
試o左o個2件唔洗加錢o既，都唔係咁鍾意...
於是d staff就不停咁揀d婚紗俾我...但我都係唔鍾意呀...
咩都睇唔上眼呀!!!
於是我要求試晚裝...
晚裝只有2件我鍾意o既，不過我只係揀o左1件...
o個件睇返有新娘著o黎迎賓o既相，真係幾靚呀~~
因為件晚裝成件都係閃珠片o黎o架~~(我要閃爆全場~~)
好多人行過都企o係度睇呀...(可能唔係因為靚，而係因為我好樣衰卦...哈哈^^)
哩件衫幾特別，出面真係未見過咁o既款，所以就揀哩件啦~~
(我係一份禮物，呵呵^^)

我想著哩件送客o架，但佢地話咁靚"晒"o左喎...但一心諗住迎賓要有鋼紗同粉紅色o架嘛...而家哩件粉紅色係A-line...都唔知點好...要再諗諗先得...

之後就到Kenneth揀禮服，佢只係試o左2件，
不外乎都係銀灰同黑色，佢都係著黑色型仔d~

就咁樣，我地揀o左1件晚裝&1套男裝禮服!

明天我要努力搵婚紗晚裝呀!!!
真係唔可以咩都未睇就俾錢呀!!
真係好"賴"o野呀~~
不過，最"賴"o野係...間間都係得/有一兩件鍾意...
咁點算呀!!!

溫馨提示：仲有5個月就變師奶

『囍』❤ 【美心】禮餅咭@『婚展會 2009』

今日去哩個『婚展會 2009』目的只有一個，就係──

買【美心西餅】餅咭~

"九展"哩個場今日係第一次去，真係山長水又遠，仲要細到爆，一d都唔好行!!!
平時我只會去灣仔會展o個個場，因為夠大，多o野行又多o野睇...
咁點解今日我又要去呢？
因為...
上次3月o個個婚紗展【美心西餅】有擺攤位，不過我冇賣...
之後聽人講佢一年只係擺兩、三次...
心諗：死啦...下一次擺都唔知會係幾時...到時可能都結o左婚喇...
不過咁o岩俾我發現佢今次都有擺(只係相隔一個月咋)，
所以擔心唔知今次之後要等到幾時先再有機會，所以先迫於無奈去咋...

但"九展"咁隔涉同咁細都有好處o既...
就係冇咁多人入o黎行囉...
所以買餅咭都唔洗點排隊~呵呵~~
上次見到排隊排到打晒"蛇餅"，長期都咁多人o架!!
今日【奇華】個攤位直頭冇人o添呀!!

今日o既戰利品：
【美心西餅】餅咭100張，多送7張，另加送 $100蛋糕現金券1張
合共餅咭107張 & $100蛋糕現金券1張
合計：$3,840 (平均每張$35.9)
※另外仲送o左2個迷你中式禮餅


今日抽獎終於都抽到樣有用o既o野喇...
係Kenneth抽o架~
就係一支【Simple】o既眼霜


之後又o係地下o個層玩遊戲，獎品係一個「寵物小精靈file」


婚展會推廣優惠
美心集團於4月18日至19日九龍灣國際展貿中心「婚展會」獨家優惠

中、西嫁囍禮餅

美心中式嫁囍禮餅咭 8折優惠
美心嫁囍禮餅各式禮盒，揉合傳統精髓及充滿現代感的尊貴包裝，是嫁得體面的象徵。凡於會場內購買10張或以上即可享原價八折優惠，每20張加送美心嫁囍禮餅咭(精選禮盒)一張，勿失良機！

左：美心嫁囍禮餅咭 <精選禮盒>
      每張面值$68
右：美心嫁囍禮餅咭 <尊貴禮盒>
      每張面值$108

美心西餅禮餅券 8折優惠
凡於會場選購美心西餅禮餅券 (原價每張$48)，購買10張以上即可享八折優惠。每買20張即送餅券1張，而每買50張額外送餅券1張 (即共有3張)，買滿100張送餅券共7張，另加送 $100蛋糕現金券1張 (可累積使用)。

美心中西餅咭超值套裝 71折優惠
美心特別預備中西餅咭超值套裝，以七一折會場優惠價 $3,840發售，為你節省達 $1,600，套裝內含：

美心西餅攤位： C01-C04

4月‧4天‧4圍去‧4圍食の旅

4日o既復活節假期放完喇...(唔想返工呀!!)

哩4日假期係繼農曆新年之後唯一一個長假...打後都冇喇...
所以好多人都去外地旅行，亦都有好多旅客o黎香港旅行~~
雖然我都好想去旅行玩下...
不過最後都係選擇留o係香港四圍去、四圍食~~^^

Day 1
買早餐【麥當當】& 買o左d韓國o野食 → 食完【麥當當】就hea → hea到5點幾6點先出去尖沙咀 → 晚餐@【鼎泰豐】→ 行尖沙咀 & 廟街 → 食糖水@佐敦【松記】→ 11:50pm睇戲《魔法天書》@華懋

Day 2
買早餐 (粥、炒麵 & 炸兩) → 食完早餐就搭天星小輪去中環 → 下午茶@【蘭芳園】→ 上半山四圍行 → 行o左去上環 → 再返中環搵檸蜜脆脆@【勝香園】(搵o左好耐先搵到，不過冇開) → 搭船返尖沙咀 → 晚餐@尖東【巴西燒烤】

哩日買早餐好慘，我要2碗白粥、1份炒麵同1份炸兩，點知買完返去打開見到竟然2份都係炒麵，於是就要行多轉返去換...
去到同佢地講，佢地仲要唔信!!!好彩我2盒都帶埋去咋!!!換完之後，一句"唔好意思"都冇...
晏晝心情就好返，因為去到【蘭芳圍】終於都有開喇~~
但食檸蜜脆脆o個間【勝香園】就冇開喇...我地仲搵o左好耐o添呀...真係行到腳都斷呀!

Day 3
食早餐 → 行尖沙咀 → 小食葡撻@【澳門茶餐廳】→ 行尖沙咀【1881廣場】→ 下午茶@【Pacific Coffee】 → 晚餐@佐敦大排檔with Frankie & Sammi → 宵夜"復活節蛋糕"

由於我地太晏出去，所以Frankie & Sammi已經入o左長洲，冇得join埋佢地喇...
不過就約o左佢地食晚飯，原本諗住入去join佢地食，不過佢地會返出o黎食喎~~
所以我同Kenneth就o係尖沙咀等佢地~
會合o左佢地之後，我地就去【妹記】，點知冇開呀!!
最後我地就轉移陣地，去o左佐敦大排檔食~~
d o野食都幾好味呀!!^^

Day 4
飲茶@尖東【御苑皇宴】→ 搭巴士到機場 → 熊館@二號客運大樓5樓 → 行機場商店@二號客運大樓5樓 → 搭巴士到葵芳 → 晚餐@葵芳

【御苑皇宴】d o野都幾好食，尤其係隻雞同炒飯。
佢地招呼仲好好o添!!就算只係飲茶都不停咁同我地換碟 (因為有雞骨)...
見我地食炒飯，又另外攞碗俾我地(即係一隻食點心用，一隻食炒飯用)，仲幫我地分埋...
最精緻就係杞子桂花糕~竟然係2條小錦鯉!!真係好得意呀!! (不過就略嫌太甜)

本來今日冇諗住去邊o架...
飲完茶，就漫無目的咁行o左去佐敦...點知就落起大雨，一路落都冇停過...
唔知點好o既情況下，我地見到架去機場o既巴士...
諗住避避雨，又可以遊下車河~~
不過o係機場落車時，就發生o左一件好驚險o既事...
我落巴士o既時候冇留意路面情況就衝落車，點知有個巴士站長喝住我...
我望一望，原來有架巴士o係我左邊方向駛埋o黎...
於是我就企定唔郁...
之後佢o係我面前駛過...我塊面同佢車身只有10cm左右距離...
當架車經過之後，我就俾3條友鬧...
第一個，巴士站長；第二個，差d撞死我o個個巴士司機；第三個，Kenneth。
之後就俾Kenneth警告：以後o係室外地方，唔准一個人行o左去，同埋唔准四圍走...=.=
佢話一係就買條BB帶綁住我喎...
之後佢就問我驚唔驚，我話唔驚；其實而家諗返...都係唔驚喎...哈哈^^

另外，仲俾我地發現o左二號客運大樓5樓有個Teddy Bears o既展覽呀!!
不過就搵o左好耐先搵到二號客運大樓o係邊囉...

魔法天書 (Inkheart)

導演 ：伊安素利

演員 ：班頓費沙
　　　 伊拉莎賀柏貝拿
　　　 保羅貝達尼
　　　 海倫美蘭
　　　 占伯班特
片種 ：奇幻 / 歷險
級數 ：
日期 ：2009年4月9日

愛書如癡的書籍裝訂商莫 (班頓費沙 飾)，唸故事給女兒瑪姬聽是他最愛做的事，但某日他在唸故事書《魔法天書》時，瑪姬的媽媽雷莎 (絲娜佳萊莉 飾)神秘失蹤，朗讀故事書從此變成莫最恐怖的夢魘，他封口不願再朗讀任何書籍…… 

自此莫與女兒瑪姬相依為命，走遍世界各地追尋雷莎的下落。他們來到歐洲一個小鎮，那裡有一間售賣古董書籍的書店，在那裡一名神秘怪客灰指找上了莫，二人在小鎮展開追逐，令瑪姬對這個陌生人的造訪感到極度不安。第二天莫匆忙帶著瑪姬投奔脾氣古怪卻擁有上千本藏書的姑媽愛麗諾(海倫美蘭 飾)，但他們不知道這些藏書才是更多災難的開始！一群歹徒綁架了莫，帶他去見一個邪惡教主魔羯 (安迪瑟克斯 飾)。

原來莫擁有一種神奇的力量，能憑著朗讀書籍把書中的人物變到現實來。然而有出必有入，每當故事中一樣人物走進現實，現實世界便會有一個人掉進書裡。莫相信離奇失蹤的雷莎就是被困在書裡，而灰指和魔羯都是從《魔法天書》走出來的壞蛋。很快瑪姬發現自己和父親擁有同樣超能力，力量甚至更強大，遂成為魔羯的第二個目標。他要瑪姬把《魔法天書》裡的一隻妖魔鬼影帶到現實，以實現他用黑暗吞噬大地的可怕計劃。

究竟灰指是敵是友？為何他對莫纏著不放？摩與瑪姬一干人等如何逃出生天？瑪姬一家最後能否大團圓結局？答案就在《魔法天書》內！

『婚姻存摺』

今日見到一篇文章，一個很有意思o既故事！

我都希望有一本咁樣o既存摺...

『婚姻存摺』

我的『婚姻存摺』是出嫁那天，媽媽遞到我手上的。

當時，我以為會是一大筆錢，打開一看發現只有1,000元。
我用失望的眼神看著媽媽，媽媽卻笑著說：「這是我特意為你們辦理的『婚姻存摺』，以後每逢值得紀念的日子，都可以存一筆錢，等到老的時候，裏面除了錢，還有無限的幸福...」

當時，我對母親這份心思不以為然，倒是丈夫記在了心上。婚後沒多久，他就先後存了兩個500元，一個是因為他升職了，第二個是因為我手術治癒出院。當時我嘴上笑他無聊，其實心裏甜蜜無比，畢竟他把我的健康也當作一件讓他感到幸福的事。

沒過多久，我懷孕了，這一次，我足足往裏面存了2,000元。但很快，我們開始有了爭吵和冷漠；孩子出生帶來的快樂是短暫的，洗不完的尿布、餵不完的奶，進一步加劇了我們感情的惡化。而那本『婚姻存摺』像被遺忘了，寂寞地躺在抽屜角落，上面的數字久未見漲。

我們鬧離婚的時候，媽媽說：「你們先把存摺上面的錢花光了再離吧，雖然錢不多，但是你們共同的財產。」於是，我第一次取了1,000元，然後拎著幾件心儀已久的衣服離開商場時，我又回去對售貨小姐說：「對不起，我不買了，請你退回我剛才付給你的錢。」

也許當時的局面窘迫極了，但我腦海裏想到的是那1,000元婚姻積蓄的來源：他是個害羞的男人，但曾在街頭大聲地對我說『我愛你』，我為此存下100元；他記得我的生日、鞋號、密碼及最怕的事，我為此在生日那天存下300元；他對女人有風度，也有距離，不給暗戀他的女下屬任何機會，我為此存下500元...啊，這1,000元裏就有這麼多的幸福積累，再看看『婚姻存摺』上的兩萬元，我的眼睛忽然就有些濕潤起來。

晚上回到家，我把存摺交給他，說：「趕緊花吧，花光了好離婚。」第二天晚上，他把存摺遞到我手上，我打開一看，發現反而多了1,000元。他說：「那上面的每一元錢都記錄著我們走過的歷程，我第一次發覺原來是這樣的愛你，索性又存進了1,000元。」

我們從此又和好如初了。

還是媽媽說得對，以愛情的名義為婚姻開個戶口，把夫妻間所有快樂的、幸福的、浪漫的事，通通存進銀行。有了這本日積月累的『婚姻存摺』，即使是再貧窮的婚姻，也決不害怕透支。