婚紗相の指甲(一)

咩叫裝假狗?!睇下我咪知囉...呵呵^^



今日行過花園街，見到好多幫人黐假甲o既檔口，見到檔檔都好多人整~

真係大至師奶，細至學生，咩人都有~(咁當然除o左男人啦!!)
於是o係好奇心同貪靚o既驅使下，o係其中一檔睇中o左一款甲片，就順便整埋...
(雖然影婚紗相係唔會影到d指甲，不過都係貪得意整o左^^)
黐假甲同埋加o左廿幾粒閃石連人工，多謝$140~

由於兩年前做Sally伴娘時整過一次Gel甲，但怕平日做o野唔方便同麻煩，所以好快就去o左拆甲...
但係拆甲o既過程同之後都係好慘，自己d指甲磨到薄晒，要等佢生返晒d指甲出o黎，真係又痛苦又漫長o架...
所以今次試下黐假甲，希望佢會快d甩，咁就唔洗咁麻煩同咁慘喇~~

婚紗相の花球(二)

哩個花球係我訂o黎去【FranceBridal】影相用o架~

o係2月頭去【FranceBridal】揀完衫之後，就開始睇下邊間花店訂花球好...
去過一次花墟，一來睇唔o岩，二來價錢好貴!
之後我o係esdlife度見到哩間花店，見到好多人讚同好多人幫襯，所以就上佢個網頁睇下有冇o岩自己心水o既花球...
其實心目中已經有鍾意o既花做主花，就係『繡球花』，所以都係集中睇哩類花球...
最後我睇o岩o左一個款(不過就要改繡球花o既顏色)，同埋同佢傾o左其他細節o既o野...
於是我就o係13/2 confirm order，同俾o左50% deposit...
原本要5/3先有得攞花球o架，不過我o係18/2問佢可唔可以提早27/2攞，因為我驚買唔到花球去【MONA LISA】影相...
佢都好好咁話盡量快d整俾我...
今日收到佢通知話個花球完成o左喇，仲俾埋相我睇，如果冇問題就可以隨時去攞~
真係唔該晒呀!!

哩個花球o既價錢：
一個花球包一個男士襟花$380
一個小花環$120
(哩個係我要求做o既，size係4.5吋都係我要求o既~)
一套頭花$80
Total$580

以下係Trinice o既花店資料，如果你地有興趣都可以去睇下呀~
Trinice Ng
Trinice Flowers Floral Production House
Tel: 3428 2731
Fax: 3428 2732http://triniceflowers.com

Opening Hours: Mon to Sat - 10:00am to 7:00pm
Sun & Public Holidays - Closed

雖然而家哩個花球提早有得攞，不過我都係留返【FranceBridal】影相先用呀~嘻嘻^^

婚紗相の花球(一)

由於去【MONA LISA】@珀麗灣studio影相o既時間太倉卒，我o係網上面問過d花球公司，o個時只係淨返一個星期左右，好多都唔肯幫我做花球，因為佢地最少都要兩個星期時間去做貨...

好彩遇到個好心人Jenny，o係esdlife度見到佢哩個花球，個款好靚好sharp，
所以想試下d唔係咁普遍o既colour，好似粉紅色/紫色咁，因為結婚o個日通常都會用返哩d正常o既colour...
加上我諗住o係公園影相，有好多都係綠色為主o既環境，襯哩個黃色o既花球，應該會幾sharp幾young~
(而且我都有睇過Jenny d相，佢有一輯婚紗相係o係戶外影，都係用哩個黃色花球，個效果真係好靚好sharp呀!!)
所以就決定要哩個，於是我就問佢係唔係有現貨，不過佢覆我冇呀...
但係好彩佢知我得咁少時間，都話肯趕起俾我~~真係好多謝佢呀!!
我係o係哩個星期二(24/2)先confirm佢做哩個花球，原本約o左星期五攞o既...
但佢今日同我講已經完成o左，仲可以攞得喇~~
咁快有得攞，真係好開心呀~~哈哈^^
一個花球包一個男士襟花同一套碎頭花，Total加埋都係$250~
雖然佢冇好好o既packing，不過都好抵o架喇~~
你地有興趣可以去佢個blog度睇下o架~
http://hk.myblog.yahoo.com/jenny-flower

好o野~有個靚靚花球去影相^^

試衫(婚紗攝影用)@【MONA LISA】

今次真係說時遲，那時快呀~

上個星期日先o係Wedding Expo book【MONA LISA】影相，
今個星期日就試衫喇...
下個星期日已經有得影相o添~

今日同上次【FranceBridal】一樣，都係約o左6:30pm試衫(影相著o既婚紗&晚裝)呀!!!
雖然我地係o係【MONA LISA】@珀麗灣studio影相，不過試衫都係o係返九龍塘o既studio試o架...
由於時間太倉卒喇...所以我都係尋晚漏夜上網睇衫、揀衫、再篩選20套...(佢個system都係同【FranceBridal】一樣，最多只可以揀20套)

至於多o左又想試o既，都係用紙mark低，俾Emily(即係跟我張單同試衫o既staff)幫我再執...
唔知今次又會唔會好似上次咁，好多衫都俾人hold o左冇得試呢?!

今次我地好準時咁去到，不過Emily個客仲未試完，所以我地要等多一陣，等到7:30pm我先開始試衫呀...
我本身揀o左37套婚紗 & 35套晚裝，
不過，最後只係試o左23套婚紗 & 34套晚裝...(婚紗又係好多都冇得試呀...反而晚裝就差一件就試晒喇~好滿足呀^^)
加埋試男裝，足足試o左3個半鐘，搞到11點幾先走人呀...(搞到咁夜真係唔好意思呀...)
【MONA LISA】d婚紗同晚裝都好靚，好多都好鍾意呀~
一路試仲一路諗埋邊套用o黎迎賓、敬酒同送客好...哈哈^^
好似真係join o左package揀衫咁...

由於我有一個景係o係公園影o既，所以要揀1套外景o既婚紗，
不過試過d外景婚紗都唔係咁鍾意，又唔可以著室內o既婚紗出外景，
所以最後我改o左要1套婚紗 & 2套晚裝~
而家會係1套婚紗 & 1套晚裝影室內，另1套晚裝影公園外景呀~

今次仲俾我地成功偷影o左部份試衫相呀~~呵呵^^
不過o係【MONA LISA】網上面睇晚裝o既顏色同套衫本身o既顏色都有好大出入呀...
(我將偷影o既相同【MONA LISA】網上面o既相拼埋一齊做o左比較，放o左o係相簿度，你地可以睇下...)

今次我又麻煩Sammi & Frankie o黎陪我試衫喇...
今次仲搞到咁夜，搞到Sammi又攰又眼瞓...
Sorry呀Sammi & Frankie，次次都麻煩到你地...u_u
(Sorry呀Frankie，今次仲攰親你honey o添...u_u)
真係非常非常非常唔好意思呀!!!

最後揀o左以下哩3件呀~~
1) Studio影相著o既婚紗~(哩套係一件一層層左右唔同質料o既大拖尾婚紗)


2) Studio影相著o既晚裝~(哩套係一件心型領有釘功又有層次同埋漸變色效果o既晚裝)


3) 外景影相著o既晚裝~(哩套係一件掛頸直身釘o左唔同顏色珠片花花o既小拖尾晚裝。佢有一套一樣款o既婚紗，不過我覺得婚紗個款就比較普通，因為晚裝o既釘花係彩色o既，效果比較突出&colourful，感覺上都會young d & cute d，同埋幾適合公園個景，因為套衫都有色彩繽紛o既花花丫嘛~~哈哈^^)

【MONA LISA】改期

o岩o岩【MONA LISA】Emily打o黎(即係o係expo跟我單o個個sales，本身佢係o係九龍塘studio o既試衫部o架，唔係門市sales，但佢d o野都跟得好足呀!!)，同我講佢地有個客改o左期影相，所以可以提前俾我影相呀~^^

初初都擔心4月先影，驚攞唔切相o架...而家應該趕得切喇卦...
由於今次冇加錢去mark影相師傅，所以頭先叫o左佢盡量安排個影得好o既師傅俾我，例如：Jason / Anson，不過如果佢地俾人加錢mark o左o既話就冇o架喇...
而家改o左o既時間係：
試衫日期：22/2/2009 (6:30pm)
拍攝日期：1/3/2009 (2:00pm)

而家變o左早過【FranceBridal】o個輯影相呀!!
而家兩輯婚紗相都係差唔多時間影，個頭可以一次搞掂呀!!唔洗染完又染呀~
初時驚隔成個月，d頭髮又會兩截色，又要再染...而家唔洗lu~~呵呵^^
同埋而家身形都算OK(當然希望可以再瘦d & fit d啦，唔肥返已經偷笑喇...=.=)，遲d keep唔住肥返先影就慘喇...

『第54屆情人節婚紗、婚宴及結婚服務博覽』

上星期收到"i-Wedding Club"寄o黎o既VIP invitation card，

所以今日又同Kenneth去睇睇~

今日我地比平時早去(around 2:00pm就到)，不過行到人地d參展商執o野走時我地先走(over 8:00pm)...今次真係行得最耐呀!!
首先，我地一入到去就見到《婚嫁時刻》個攤位，由於入場券o個度有張買《婚嫁時刻》平$8 o既coupon，而即時買最新一期o既《婚嫁時刻》就免費有MUA幫你化妝& set頭，之後就有攝影師幫你影相，then仲會有人用電腦做埋雜誌封面o既效果，再print返2張photo俾你攞走...(佢地仲送埋2個紙相架同1個電話座，哩個function係ESPON sponsor o架，所以相紙同相架都係ESPON o既o野~)
於是，我見好似幾得意咁，就用o左$30買o左本《婚嫁時刻》，then就去化妝& set頭(o個時唔係太多人，所以一個MUA化妝，一個MUA set頭，真係好好服侍呀!!哈哈^^)，同幫我化妝個MUA傾開偈(佢都幾好傾，好好人)，原來佢地係義務幫佢地做o架咋...但用o既全部都係私伙o野，真係唔話得呀!!(當然佢地梗係冇job o係身先會幫手啦!!)
影完之後，我仲叫佢地send返個softcopy俾我，唔知佢地記唔記得呢...


o係哩度玩完一輪之後，我就開始去睇租婚紗晚裝o既公司喇...
開頭就係攞d價錢睇下先，望下咩價錢，如果可以接受o既就會坐低睇下相同傾下...
最後睇o左幾間，間間都有坐低睇佢d衫o既相，就係哩度用o左最多時候喇...
講下睇o左邊幾間先：

婚紗&晚裝：
1) 【唯美主義】：
     價錢都幾貴呀!!1套婚紗，2套晚裝，1套裙褂，1套伴娘禮服及1套男禮o既話，
     (可用1套裙褂及1套伴娘禮服轉換1套晚裝)
     Expo價都要$6,388 (原價$8,888)，包頸鍊耳環，
     其他婚紗晚裝都唔洗加錢upgrade...
     但頭飾就唔包，如果租佢o個d就Expo價$680/4套
     真係好貴呀!!不過就好多款，同款唔同色都有...所以我同Kenneth都幾鍾意...
2) 【御嫁地】：
     超平，$3,280/6套，包頭飾及頸鍊，但冇耳環... (只係拖尾婚紗要加$500)
     但睇過d款，兩個字『唔得』，唔係我要求高，連Kenneth都覺得『唔得』!
3) 【至愛天地】：
     都係平，$3,998/6套，不過都係『唔得』!
4) 【Grandness】：
     都係貴o野!!1套婚紗，3套晚裝，1套裙褂，1套伴娘禮服及1套男禮o既話，
     Expo價都要$6,880 (原價$7,880)
     佢d衫同個舖名一樣，真係好grand，全部都係A-line款，歐洲style...
5) 【Red Wedding】：
     哩間算係中價，1套婚紗，2套晚裝，1套伴娘禮服及1套男禮o既話，
     (可用1套伴娘禮服轉換1套晚裝)
     Expo價$4,688 (原價$7,600)，包頭飾及頸鍊，但冇耳環...
     睇o左d相，有幾件都幾鍾意，不過我鍾意o個幾件都係類似o既色囉...
     佢d款都幾特別，有我想要o既style^^
     所以最後就o係度落o左$2,000訂喇~

裙褂：
1) 【鴻運】：
     專門做褂o既，所以好多款...
     但係款款都係咁上下囉...都冇覺得邊件特別鍾意...
2) 【金鳳凰】：
     哩間酒樓送o左張coupon，有一件免費o既珠片褂，所以去望下...
     由於冇咩研究同要求，所以有件免費o既珠片褂都覺得OK~
     另外，酒樓張coupon仲有個package係任何服飾都係$1,280/3套
     睇過d媽咪o既晚裝，都好多款，而且都幾OK，所以可能會o係度租媽咪衫...
     因為有coupon，所以唔洗落訂住，可以約時間上去睇o左再決定!

※婚紗&晚裝：【Red Wedding】只落$2,000訂，未揀package
  裙褂：【金鳳凰】暫定用酒樓coupon

最後，我再用酒樓送o既【MONA LISA】coupon去影多輯婚紗攝影，嘻嘻~
婚紗攝影：【MONA LISA】@珀麗灣
我join o左個『喜宴禮券貴賓客戶相簿推廣優惠 (CA)』珀麗灣Studio & 公園或沙灘 (哩兩個景二選一，於是我地揀o左公園，因為公園景靚d，有d花花草草，影出o黎colourful d~沙灘唔係唔靚，只係我地怕麻煩，驚濕腳又驚成身都係沙...)

個plan本身有o既o野： (以下用紅色字o既就係個sales Emily(佢本身o係係studio負責試衫o架)額外送o架喇~仲送得多過上次【FranceBridal】呀!)
拍攝40款以上送12款 (不包數碼映像) (+13款數碼映像連4x5"相片，本身12張都包埋數碼映像俾我，而家即係有25張連數碼映像呀!!)
8x12"  精美相簿1本連19張相片 (free轉珍珠相簿)
5x5"  精美相簿1本連15張相片 (須與大相簿內同款) (free大細相簿o既相可不同)
5x7"  2張相片 (其中1張相片uv連架)
8x10"  2張相片 (其中1張相片uv連架)
16x20"  1張油畫纖維 (不連畫框) (free轉20x24" 連(S*)相架加油畫)
所有相片須於套餐內之數碼映像內選放
free 20x30"  嘉賓提名冊1張 (SA/SH款)
free 黑白映功
free 電腦效果、假眼睫毛、全新男女乾濕粉卜
free 白褲&白鞋
free 星期六/日，試衫及影相 (哩個如果要揀星期六/日要加錢o架，而家佢都free俾我，真係好人呀!!)
花球八折，送手花
‧豪華新娘婚紗2套 (其中1件婚紗upgrade Complicite/Praim系列影相款) & (多送晚裝1套任選)
‧新娘頭飾及髮型轉換2款 (+1款for晚裝)
‧飾物任選
‧新娘化妝1次
‧新郎化妝1次
‧不包新郎禮服 (free 2套均可任選，其中1套可選Luxe) (Luxe哩個系列本身係冇得送o架，但係因為個sales係試衫部，所以可以私人送俾我地咋~佢叫我地唔好同其他人&【FranceBridal】講呀...)
*可於指定款式內選擇油畫木框價值$800

以上套餐包括假眼睫毛及全新男女乾濕粉卜 (本來酒樓o個個coupon送o既package係唔包o架，而家join o左個upgrade plan先有咋...)
extra買相：4x5"每張$138，買滿20張以上每張$128，買滿30張以上每張$118

試衫日期：5/4/2009 (5:00pm)
拍攝日期：11/4/2009 (2:00pm)
暫時總計：CA plan $3,680

※另外，o係今次婚紗展期間於【MONA LISA】、【FranceBridal】或【My Dream Wedding】惠顧任何婚紗攝影套餐或外借套餐，可獲贈《美心中式嫁囍禮餅》禮品包1份。包括：尊貴禮盒禮餅咭1張(價值$108)，精選禮盒禮餅咭1張(價值$68)及美心中式嫁囍禮餅咭八折優惠券。
(哩個上次我地book【FranceBridal】o既時候攞到呀~不過今次因為我地太晏先去【MONA LISA】book喇，所以已經派晒lu...o個時【MONA LISA】d人都已經執緊o野，準備離場收工o架喇...好彩個sales都冇對我黑面o者...仲送多d o野俾我~~都好啦~~哈哈^^)

今次婚紗展惠顧滿$2,000都有抽獎呀~
不過排隊排到打晒蛇餅呀!!!
我睇過d禮物都唔係咁吸引，所以就冇浪費時間o黎排隊抽獎喇...

❤ Sweet Valentine's Day 2009 ❤

祝各位情人節快樂呀!!!

尤其係所有疼鍚我及我所疼錫o既朋友們，祝你地永遠都甜甜蜜蜜、恩恩愛愛呀~~
(越來越發覺你地真係好錫我o架...希望你地知道我講緊o既係『你地』啦^^)

今年係我同Kenneth一齊過o既第五個情人節喇~~
你地呢??
無論你地係一齊過o既第一個情人節；
定係婚前最後一個情人節；
或者係婚後第一個情人節；
又或者已經有個小朋友一齊過o既情人節都好啦~~
都希望你地唔止情人節哩日開心，
而係日日都好似情人節咁，甜甜蜜蜜；
年年都恩恩愛愛呀!!

唔知你地今年o既情人節係點過呢??

試衫 (婚紗攝影用)@【FranceBridal】

終於等到今日喇...

由08年等到09年，你話係咪好耐丫~~

今日約o左6:30pm去【FranceBridal】@Studio 2 試衫(影相著o既婚紗&晚裝)呀!!!
我都係前兩日先上網揀款咋...
經過哩兩日睇完又睇，揀完又揀...
好辛苦先篩選到20套咋...(由於佢個system問題，最多只可以揀20套)
至於多o左又想試o既，就唯有用紙mark低，俾負責幫我試衫o個個姐姐再執...
唔知如果真係太多，佢會唔會俾我試晒呢?!

原本約o左6:30pm，但係我同Kenneth差唔多7:00pm先到，
一去到d衫已經預備好晒o係度喇...
之後我再俾埋mark低o左其餘想試o個d款o個張紙個姐姐，
佢就再幫我去執埋出o黎...
然後每試一套佢都會幫我影張相(o個度唔俾我地自己影o架!!)，
最後就會一次過o係電腦睇返，然後就揀要邊件...

我本身揀o左25套婚紗 & 20套晚裝，
不過，最後只係試o左13套婚紗 & 13套晚裝...
因為o個d係外租款，只有一件，咁o岩我影相o個日d衫俾人租o左出去，所以就冇得試囉...
但係有2件婚紗今日就租o左出去，但我影相o個日就會o係度，所以個姐姐mark o左o係影相o個日俾我試返，如果o岩o既就可以轉款~
仲有1件晚裝出o左埠o添呀...如果影相o個日返o左o黎就可以試，未返o既就梗係冇啦...
婚紗款好多都冇得試，試o左o個d我都係覺得麻麻地咋...
反而晚裝款就好多都幾靚...
但係有d就實在太淺色喇...
現場睇就OK冇問題，但影相出o黎個效果就唔起眼...
同婚紗冇咩對比...好似差唔多咁...
好難取捨呀!!!

好多謝Sammi & Frankie收o左工都o黎幫下眼，睇下邊件得，邊件唔得...真係麻煩晒呀!!
仲要佢地咁無聊等我換換換...真係唔好意思呀!!
(希望快d到佢地啦^^就算佢地唔叫，我自己都會走去幫手o架~~)

最後揀o左以下哩3件呀~~
1) Studio室內影相著o既婚紗~(哩套係一件Complicite系列直身一層層o既婚紗)


2) Studio室外影相著o既婚紗~(哩套係一件領位比較特別o既婚紗，胸位下面仲有一個小蝴蝶結，而裙身o既層次就係一幅幅不規則剪裁o既方式組成。)


3) Studio影相著o既晚裝~(哩套係一件由三個蝴蝶結組成o既粉紅色晚裝，裙身有泡泡o既設計，整體感覺很少女。晚裝o既顏色唔會太淺，加上有蝴蝶結o既details位，影相o既效果應該會幾好幾出~)


不過，仲要等多一個月先有得影相呀...唔知到時條頸又長o左幾多呢?!哈哈^^