崖上的波兒 (Ponyo on the Cliff by the Sea)

導演 ：宮崎駿

演員 (粵語配音) ：
　　　 謝安琪
片種 ：動畫
級數 ：
日期 ：2009年1月17日

故事發生於一個仍然憧憬有魔法及奇蹟發生的世界，場景是位於海邊的小鎮及懸崖上的小屋。小魚公主波兒在一次意外中，被住在山崖小屋的男孩宗介救起，波兒喜歡上宗介，因此決心成為人類，波兒不惜冒險，離開熟悉的海洋，豈料她施展的魔法卻令世界天翻地覆，波兒和宗介將要展開一次奇妙的歷險。而宗介，亦一諾千金，為好友保守著一個承諾。

可愛的手信

今日收到老張o係韓國帶俾我o既手信呀!!

好可愛o既手信呀~~
好鍾意呀^^

係咪好得意又好可愛呢~~
真係唔捨得著呀!!!

仲有一大堆零食~
另外，哩樣係我託老張幫我買o既o野...係貼腰酸背痛o既膏藥布~

哩個係我之前去韓國o既時候個導遊推介o架...
o個時買o左2大包返o黎俾爸爸用，爸爸用過之後話好好用~
仲分o左d俾同事&阿叔用...所以已經用晒喇...
於是我就趁老張去韓國，託佢幫我買囉~
真係唔該晒呀!!!

真係要多謝老張~~
去Honeymoon都記得買手信俾我~~真係有我心呀^^
而且仲揀樣咁得意o既俾我~~好有心思呀!!!多謝晒~~
同埋要佢幫我買o野，真係唔好意思呀...唔該晒呀!!!

『囍』❤ 酒席二訂@尖東【御苑皇宴】

今日終於都同Kenneth去o左尖東【御苑皇宴】俾第二期訂金喇~~

上年7月尾book酒席o既時候就俾o左第一期訂金:HK$10,000-

之後一個月內(即上年8月尾)要再去俾第二期訂金:HK$23,400- (即係我地book o個個場o既min charge HK78,000- o既30%)
不過o個時冇去俾住，諗住等佢催先算啦~~
加上又發生o左"金融海嘯"喎...都擔心佢會執笠o架...=.="
變o左【君豪會】o既翻版咪死...好驚哩d事發生o係我身上呀!!!
不過上年年尾佢地就開始打o黎催我地交二訂，催o左幾次...
最後都係等09年先"的"起心肝去俾囉...

就係咁樣...又唔見o左一舊錢喇...
不過經理勞小姐都好好~~
雖然我地只係預算擺15圍左右，本應最少要擺16圍以上先會有o野送...
但係佢連要擺20圍以上先送o既o野都全部送晒俾我地呀~~
加上我地book o個時佢係o岩o岩開張，所以仲加送多個"會展優惠"o添...
所以都送o左好多o野，仲upgrade埋o添...(例如d席前小食份量多d，蛋糕又大個d咁)
(完全唔洗自己"R"~~其實可以送o既佢都會送俾你，係唔得o既就唔得，所以"R"都冇用...)
送o左以下哩d：
例如席前小食、迎賓雜果賓治、V.S.O.P./紅酒、八磅蛋糕等等...不能盡錄...(哩d係最有用同最重要o既o野，真係唔少得!!)
另外，仲有d coupon係裙褂、花車、婚禮攝影、律師證婚、婚宴佈置、MONA LISA婚紗攝影...
um...反而d coupon就唔係樣樣都有用...不過有好過冇丫嘛~~
哈哈^^

2009年的第一件囍事『林張聯婚』

今年o既第一件囍事就係──

1月3日『林張聯婚』@九龍麗東酒店【桃苑海鮮酒家】

尋日係"老張"(而家應該要改口叫"林太/林師奶"喇...)o既大囍日子呀^^恭喜恭喜~~
前一晚陪佢攞衫、買玩遊戲同晚宴用o既濕碎o野...
返到屋企再搞下哩樣搞下o個樣，結果2:30am先瞓...zzzZZZ
第二朝(即尋日)要6:30-7:00am去到酒店，於是我就將鬧鐘較o左5:30am起身...
但係...都係瞓過頭...u_u
一起身已經6:40am喇...嘩...好驚呀!!!!
於是就梗係拿拿聲出門口，仲狂奔去的士站啦...
(好耐都冇試過著住對咁高o既高踭鞋(我諗有2吋至2吋半)狂奔喇...哈哈^^覺得自己好勁呀!!!)
司機見我由老遠咁樣狂奔上的士，都忍唔住問我係咪瞓過頭...真係樣衰...
好彩去到都係7點左右，冇因為咁樣而誤事咋...

仲有就係，有一個接新娘時玩o既遊戲，真係唔講唔得~~
就係我地用o左5條紅繩，分別綁住唔同o既物件，包括：用完o既廁紙筒、玫瑰花、即棄拖鞋、女性剃刀、當然唔少得o既就係"新娘子"啦~
之後就要俾新郎抽1條，抽中邊樣物件就要親吻o個件物件一下...
直至抽到綁住新娘o個條紅繩為止，咁先可以抱得美人歸~~
結果...新郎竟然第1條就抽中綁住新娘o個條紅繩喇...真係好犀利...
唔通真係好似"月老"咁有條紅繩綁住佢地o既?!我諗哩d就係上天安排o既緣份喇~~

之後就係一d傳統o既斟茶、出門、去男家斟茶o既儀式...
跟住返去擺酒o既地方，d兄弟姊妹就開始忙、忙、忙喇...
一路到晚宴結束，大家收拾好所有o野之後都離開...
而我就跟到老張最後，希望可以幫輕下佢地，執頭執尾咁樣啦...
(其實全日我都幫唔到d咩手...)

雖然今日真係好攰好攰!!
不過見到佢地終於結束十幾年o既愛情長跑，步入生人另一個階段...真係覺得好開心^^
希望可以幫佢地做d o野...(雖然可能咩都幫唔到...因為真係微不足道)
所以辛苦d都係值得o既~~

o係度再一次恭喜佢地~
同埋祝佢地恩恩愛愛&甜甜蜜蜜，仲有梗係要長長久久啦~

※仲有要多謝老張將佢個靚靚絲花花球送o左俾我~~
  (希望我都會好似佢咁幸福啦~~哈哈^^)

寂寞的"2009元旦"

今日係2009年o既第一日~

有一日假期，本應開開心心咁去慶祝...

但係我o既另一半並冇陪我度過...

原因係佢話凍，唔想出街...

一直都認為每一個節日你都會同我一齊度過，但係原來哩個只係我一廂情願o既想法...(真係可笑!!)

平時o既星期日你話攰，唔想出街，我都可以體諒，亦都唔會迫你...

但係點解你都唔了解下我o既想法呢?!

係你真係唔了解，唔知道?!
定係你故意忽略我o既感受呢?!

我真係唔知...

我相信要你陪我度過每一個節日，哩個要求並唔過份，你亦都唔係冇能力去做，只係你唔做o者...

有一句說話講得真係好o岩：『非不能，而不為』