著boot著o左好耐喇!!(都係一季o者...)
為o左迎接夏天o既來臨，我已經迫不及待買o左兩對涼鞋喇~~(藉口!!)1) 上星期四食lunch時，購自《香港工業中心》
2) 上星期六放工，購自《利時》(不過o個日冇貨，所以今日放工先去攞)
2009年3月28日星期六
【Jenny Bakery】
今日放o左工之後，就去o左一個一直以來都想去o既地方...
但由於平日好少會去到o個度，所以就趁今日得閒去一趟啦~~^^究竟係邊度??
就係 ── Jenny Bakery (油麻地分店)
好耐好耐之前，睇過一本飲食雜誌介紹哩間舖好出名o既鳳梨卷...
老闆Jenny每日都用新鮮菠蘿煮成溶製作，餡料十分新鮮。
因為唔係靚菠蘿唔用，所以每次只能製作好少量。
walk-in未必一定買到，要碰運氣...
遇到客人預訂o左冇攞，就可以賣俾你~~
由於雜誌講得咁吸引，網上又有好多人讚好食，
加上Kenenth鍾意食台灣o既鳳梨酥，所以就想買俾佢試下係咪真係咁好食~
當我去到油麻地現時點商場，就已經見到有人拎住幾罐o野咁離開...
當我上到一樓，就見到好幾個人都係拎住幾罐o野從同一間舖頭出o黎...
於是心諗應該係o個度喇~~
終於去到我今日o既目的地，但可惜我o既行動唔成功...
因為鳳梨卷沽清喇...T_T
唉...一場o黎到，冇鳳梨卷買真係有d失望...
不過又唔想空手而回，所以就買d曲奇返去試下啦!!
佢d曲奇都好出名o架!!好食又鬆化~~
仲有杏仁片都係招牌o野o黎o架~~
哈哈^^佢間舖樣樣o野都有人讚，樣樣都好食咁喎~~
於是我就買o左：
一盒細o既8-mix雜錦果仁曲奇 (HK$88)
仲有一盒杏仁片 (HK$80)
俾大家睇下佢o既鳳梨卷啦...有得睇，冇得食...T_T
Jenny Bakery最初只係赤柱o既小店，一直以來o係赤柱都好出名，好多人都慕名而來。
由於每日產量唔多，同埋營業時間好短，住得遠o既朋友都好難食到...
後來Jenny o係市區增設分店，兩年內已擴展o左4間分店~
就腳左o既關係，令到更多人可以食到Jenny o既曲奇^^
四間分店地址如下：
．赤柱新街11號1/F
Tel：2813 8568
．銅鑼灣糖街1-5號銅鑼廣場1樓1047室
Tel：2524 1988
．油麻地彌敦道530號現時點商場1樓101室
Tel：2780 9123
．中環皇后大道中48號萬年大廈1樓11號店
Tel：2577 3789
2009年3月22日星期日
再揀相@【FranceBridal】
點解要再揀相?!
因為上次揀漏o左4張2R相囉...所以今日我就單人匹馬一個去【FranceBridal】@Studio 1 再揀相!!
其實星期三我已經打過電話搵Roni同佢講揀漏o左相，
於是佢就叫我落去揀返...
由於只係揀4張相，所以都冇再約時間，只要o係11:00am-7:00pm哩個時段就可以...
今日去到o既時候Roni serve緊客人揀相，
不過佢同事一叫佢，佢就出o黎，見到我就即刻攞返d相俾我揀...
揀好2R相之後，我就同佢講有d油畫相想改，
雖然佢有o野做緊，但佢都好樂意幫我改，都冇嫌我麻煩，又俾好多意見我...
今日又加o左o野呀!!
(希望Kenneth睇唔啦...佢唔殺o左我，都會"哦"我o架喇...)
加多o左6x6" 精美相簿1本連33張uv coating相片
哩本$980，之後Roni就話齊頭$1,000送多2個softcopy俾我...
咁而家2本6x6" 相簿就入晒我所有(66張)相喇~
上次揀相加錢買o既o野： (以下用紅色字o既就係今日俾錢再加o左o既o野)
64款數碼映像 (今日加多2款，Total 66款)
10x14" 珍珠相簿1本連31張uv coating相片
6x6" 精美相簿1本連33張uv coating相片 (今日加多1本，Total 6x6" 精美相簿2本連66張uv coating相片)
5x7" 2張相片uv連架
8x10" 3張相片uv連架
10x12" 1張相片uv連架
20x24" 1油畫連(S*)相架
20x30" 嘉賓提名冊1張SC西式款
free 2R 銀包相4張 (今日揀返)
總金額：$1,000 (原價$1,200，之後佢齊頭$1,000俾我)
※
原本個plan $5,488 (KTA plan $4,988 + mark Dicky映 $500) + $9,000 (上次加相& upgrade其他o野) + $1,000 (今次加6x6" 細相簿)
合計總金額：$15,488
起貨日期：26/6/2009
送貨日期：6/7/2009
冇變~
2009年3月21日星期六
揀相@【MONA LISA】
今日輪到去【MONA LISA】睇相喇~~
我地約o左2:00pm去【MONA LISA】@珀麗灣studio揀相...不過由於我遲o左收工，所以即刻打去【MONA LISA】同佢講要改3:00pm...
最後我地2:30pm就到，都係遲o左30分鐘左右...
去到之後serve我地o既staff Suki，就帶我地入房，(由於外面大廳o既梳化位已經full晒)
然後就o係電腦開返我地個file~ (【MONA LISA】已經全部轉晒o係電腦揀相，冇得睇相版o架喇...)
Suki教o左我地點篩選d相之後，佢就行開o左，俾我地自己慢慢揀~
咁樣我地揀得自在d，仲可以慢慢商量，唔洗俾人監視咁...Yeah~~
d相經過攝影師篩選過之後，我地大約有100張相揀~
於是我地就由頭睇一次先~
初步睇過效果之後，我地就開始out相喇~
經過3至4次睇完又睇，out完又out之後...
我地最後揀o左36張要o既相，out o左大約64張...
Yeah~今次總算比上次成功o左一半喇~
忍到手唔要咁多，真係out o左好多相呀!!!
除o左加錢買揀多o左o既11個softcopy，同埋將多o左o既2張相入細相簿之外，就真係咩都冇加喇~~
(冇加大，冇加厚，冇加uv coating~)
本來本細相簿我都唔要加大o架，不過...
$138 x 11個多o左o既softcopy = $1,518
$350 將多o左o既2張相片入細相簿
哩2樣加埋係$1,868
所以Suki就話齊頭$2,000將細相簿轉埋6x6"俾我囉...(本身加大6x6"相簿要加$200)
咁$2,000哩個數我都接受到...咁就OK o左喇~
本來我地個plan包o既： (以下用紅色字o既就係今日俾錢加o左o既o野)
25款數碼映像 (揀多o左11款，Total 36款)
8x12" 精美相簿1本連19張相片 (珍珠相簿)
5x5" 精美相簿1本連15張相片 (不須與大相簿內同款) (加大o左，加厚o左 - 6x6" 精美相簿1本連17張相片)
5x7" 2張相片 (+1張相片uv連架，total 3張)
8x10" 2張相片 (+1張相片uv連架，total 3張)
20x24" 1油畫連(S*)相架
20x30" 嘉賓提名冊1張(SA/SH款) (揀o左SH中式款，深粉紅色，中間有個囍字o架!)
總金額：$2,000 (原價$2,068，之後佢齊頭$2,000俾我地)
※原本個plan $3,680 (CA plan) + $2,000 (今日加相& upgrade其他o野)
合計總金額：$5,680
起貨日期：21/6/2009
送貨日期：1/7/2009
點解仲快過【FranceBridal】o既?!=.=?
※由於我地今日趕住入去，所以都冇食到lunch...
我揀相期間Kenneth去o左休息室o個邊買o左杯熱朱古力俾我，
好窩心，好sweet呢~
不過我就一啖飲晒，一d都冇留返俾佢呀...哈哈^^
2009年3月20日星期五
2009年3月16日星期一
揀相@【FranceBridal】
今日有得睇相喇~~
唔知影成點呢?!好心急&好緊張呀!!
我地約o左6:30pm去【FranceBridal】@Studio 1 揀相...
不過我遲o左15分鐘左右到...
去到之後serve我地o既staff Roni，就攞o左d相版出o黎...(好o野~可以睇相版呀!)
然後同我地講，本來我地影o左150張相，而攝影師已經cut o左d影得唔好o既相...
最後淨返123張相俾我地揀...
首先，佢幫我地分好晒d景，然後一part一part咁睇...
每揀完一part，佢就會叫我地再揀幾張最鍾意o既精選相...
而抽起o左哩d精選相係留返o黎陣間揀油畫o既~
經過一番努力，我地最後揀o左63張要o既相，out o左60張...
其實揀o左好多都係我o既單人相...因為『我覺得』影得我好靚呀~冇咩幾可見到自己咁靚靚呀~哈哈^^
連Kenneth都話影得我好上鏡，真係要多謝CAM MAN-Dicky & MUA-Ivy 呀~~
本來我地個plan包o既： (以下用紅色字o既就係今日俾錢加o左o既o野)
32款數碼映像 (本來揀o左63款，不過Roni送多1款，Total 64款)
8x12" 精美相簿1本連19張相片 (珍珠相簿) (加大o左，加厚o左&加埋uv coating - 10x14" 珍珠相簿1本連31張uv coating相片)
5x5" 精美相簿1本連15張相片 (不須與大相簿內同款) (加大o左，加厚o左&加埋uv coating - 6x6" 精美相簿1本連33張uv coating相片)
5x7" 1張相片 (+1張相片uv連架，total 2張) (本來有1張係冇uv連架o既相片，而家都送埋uv連架俾我)
8x10" 2張相片 (+1張相片uv連架，total 3張) (本來有2張係冇uv連架o既相片，而家都送埋uv連架俾我)
10x12" 1張相片 (+uv連架)
20x24" 1油畫連(S*)相架
20x30" 嘉賓提名冊1張(SC/SE款) (揀o左SC西式款，粉紅色o架!)
free 2R 銀包相4張
總金額：$9,000 (原價$9,900，之後佢齊頭$9,000俾我地)
用Manhattan信用咭做o左6個月免息分期
※
原本個plan $5,488 (KTA plan $4,988 + mark Dicky映 $500) + $9,000 (今日加相& upgrade其他o野)
合計總金額：$14,488
起貨日期：26/6/2009
送貨日期：6/7/2009
好期待呀!!
2009年3月15日星期日
『香港婚紗暨結婚博覽 2009』&『香港婚宴博覽 2009』
完成o左2個朋友仔o既婚禮之後，我都要開始積極d準備自己o既婚禮喇~
今日去o左個超大型o既結婚展覽會...有2個展館咁多呀!!佢地最主要o既參展商都係婚宴場地&婚紗攝影...
不過婚宴場地我地一早已經book o左；婚紗相又o岩o岩影o左2輯...
所以都冇咩o岩睇...
最後都係$0消費咁離場~
香港婚紗暨結婚博覽 2009
「香港婚紗暨結婚博覽」是雋傑國際展覽有限公司每年舉辦之全港最大型婚紗博覽會。是屆展覽會將於2009年3月13日至15日，假座香港會議展覽中心一號展覽館隆重舉行。在去屆展覽會中，參觀人數超過五萬，盛況空前，為結婚業界帶來龐大收益。
大型婚展盛況空前
與其他於國際展貿中心舉行的婚紗博覽有所不同，是次展覽會除了著重婚紗攝影部份外，更有不同類別的婚慶產業參展，如婚宴設計、禮餅洋酒、珠寶首飾、美容中心、婚禮佈置、婚禮顧問、世界名酒，務求籌辦首個於九展最大型的一站式結婚博覽會。
香港婚宴博覽 2009
「香港婚宴博覽 2009」是雋傑國際展覽有限公司每年舉辦之全港最大型婚紗暨結宴博覽會。是屆展覽會將於2009年3月13日至15日，假座香港會議展覽中心一號展覽館隆重舉行。在去屆展覽會中，參觀人數超過五萬，盛況空前，為結婚業界帶來龐大收益。
囍宴場合 大宴親朋
在整個結婚過程中，大宴親朋是極為重要的一環，但由於婚宴場地有限，準新人都會盡早爭相預訂囍宴。故此，是屆婚宴展覽正好提供各種婚宴場地供準新人選擇，同時在場內亦有囍帖、囍宴佈置等各式各樣相關產品及服務供準新人選購，準新人可一次過選購與囍宴相關的服務，省時方便。
為了確保是次展覽會能獲得美滿的成果，大規模的宣傳活動將會在展覽會前及舉行期間展開，務求吸引更多情侶蒞臨參觀是屆婚紗博覽會，為結婚業界締造無限商機。綜合以上因素，主辦機構預期「香港婚宴博覽 2009」將會獲得空前成功。
2009年3月13日星期五
ღ Kelly & Patrick's Wedding ღ
今日又有囍事呀!!
就係Kelly & Patrick o既大囍日子@紅磡國際都會商場【煌府海景宴會廳】今日本來要7:15am去到Kelly屋企，於是我就將鬧鐘較o左5:30am起身...
點知鬧鐘響完我又瞓返...u_u
一"紮"醒已經7:10am喇...死喇...又遲到喇!!!!
於是就梗係拿拿聲出門口，又好似"老張"結婚o個日咁狂奔去的士站啦...
(又係著住o個對咁高o既高踭鞋狂奔...)
真係樣衰...
好彩去到換埋衫，化好妝，都未夠鐘接新娘~
我仲有時間幫2個姊妹整頭呀~~
上晝好順利咁完成o左一d傳統o既斟茶、出門、去男家斟茶o既儀式...
跟住兄弟姊妹們就直接去紅磡【煌府】午膳，而一對新人就返女家回門...
之後同新人午膳完之後，大家就開始忙、忙、忙喇...
MC要對稿同彩排...
而我同另一位姊妹就照顧一對新人出去影相...
影完相返去酒樓，一對新人又忙住斟茶同影相...
直到婚宴正式開始...兄弟姊妹們又要出動去每一圍派"六合彩"同"BINGO卡"...
百幾張"六合彩"係Kelly自己一個人畫晒o架!!真係辛苦呀...
為o既都係想大家玩得開心~~
不過我冇份中獎...
之後玩BINGO，大家都玩得好投入，雖然禮物唔係好貴重，只係小小心意...
但係就帶起全部人o既情緒，為全晚帶起o左高潮~
不過真係幾好玩~~我都有份中獎呀!!!哈哈^^
知道自己中o左獎真係幾開心o架~~
最後晚宴o係一片歡笑聲同祝福聲中結束，我同姊妹們都幫新娘子收拾好所有o野之後一齊離開...
返到屋企，沖完涼之後正想準備去瞓覺...
點知原來2點幾有個miss call係Kelly打o黎...
見係10分鐘前o既事，於是就打返俾佢，因為驚佢唔見o左d咩，又或者唔知我地將d o野放o係邊...
佢一聽電話就多謝我送俾佢o既一份心意(永結同心&長長久久人情)~
我都好開心佢收到會咁開心^^
Kelly為o左哩個婚宴花o左咁多心思同時間去準備，終於順利完成，
並且得到大家o既認同同讚賞，我都替佢高興~
o係度再一次恭喜蕭生蕭太~
同埋祝佢地永結同心，長長久久~
2009年3月10日星期二
影婚紗相@【FranceBridal】九龍塘雙子影樓
今日去【FranceBridal】@九龍塘雙子影樓影相呀!!
終於等到喇~~~不過今日都係天陰陰呀...u_u
唉...影兩輯相都係天陰陰...真係有d唔開心呀!!!
"唔通連個天都唔鍾意我?!"哈哈^^
今日本來約o左2:30pm到達【FranceBridal】@Studio 1，不過又係Kenneth遲到囉!!!就o黎俾佢激死o架喇!!!
入到去，o係counter同d姐姐講我地o黎影相之後，
今日負責幫我化妝o既MUA就好快出o黎帶我地去locker擺好d o野，
然後就帶我去換衫先...
由於上次有2件婚紗同1件晚裝出o左街冇得試，所以o個次個試衫姐姐幫我mark o左今日可以試返...
o岩o既仲可以轉款o添~^^
試完之後，我就將之前揀o個件直身婚紗轉o左件好多釘功&泡泡款o既大拖尾婚紗(又大件又重，都幾"論盡"o架)喇~
即係原本揀o左哩件↓
而家轉o左哩件↓
之後幫我化妝o既MUA - Ivy，就問我想要咩造型...
都係同【MONA LISA】一樣俾本相簿我睇，問我鍾意咩款，不過我都一樣係有備而來...哈哈^^
我都係將我三個想整o既造型俾佢睇，再問下佢意見，咁大家傾好o左就開始整~
哩度一個負責化妝，一個負責set頭o架...不過我唔知幫我set頭o既姐姐叫咩名呀...
佢都好好，好有心機呀~
今日三個造型我都好滿意，好o岩心水呀~~^^
第一個造型@Studio 2 水池, Studio 1 & 公園(室外)：用自備o既頭花for室外婚紗
(Kenneth著白色禮服o架~)
完成o左之後，今日幫我地影相o既CAM MAN Dicky(係我加$500要求mark o架)，仲有助手Elson(我讀得書少，佢個名唔知係咪咁串)，就已經ready好o係度等我地喇...
佢問我地想要影出o黎係咩style，我就話想要Young ,Sweet & 自然~
之後我地就坐車去Studio 2 影水池先喇~
影完水池就坐車返去Studio 1 影室外景同公園景~
影完晒d室外景之後，就去換第2件婚紗同造型，開始影studio景喇~
(Kenneth都要換返套黑色禮服呀!!)
第二個造型@Studio 1 (室內)：用【FranceBridal】o既頭飾for室內婚紗
室內婚紗造型影o左鋼琴、梳化、餐枱、bar枱&公仔房
第三個造型@Studio 1 (室內)：用【FranceBridal】o既頭飾for粉紅色蝴蝶結晚裝
晚裝造型影o左2個房景
今次9點都未夠就搞掂走得喇~~
由於有上一次o既經驗，所以今日識得點笑同擺pose，而且覺得輕鬆d同好玩d呀~哈哈^^
Kenneth仲同Dicky個助手玩到癲o左...
Dicky同我影相時，佢地兩個竟然o係後面踢波...=.="
總括o黎講：
MUA - Ivy
好nice，好有耐性...
會聽我想要咩造型，然後分析俾我聽有咩唔好，再會俾意見我...
整好之後，會再睇睇有咩要執，然後再執到我滿意為止~
set頭o既姐姐都好好，set d頭好靚，好o岩我心水~
CAM MAN - Dicky
初初聽人講佢係【FranceBridal】影得最好，加上我都睇過佢影o既相，真係覺得好好，同其他影出o黎o既效果好唔同，所以就花多少少錢mark佢幫我影...
不過又有人話佢好cool同有藝術家脾氣...所以都有少少擔心佢好惡...
但係唔知係咪佢今日心情好~~
我今日見o既佢好nice，好好笑容，仲好玩得o添~
佢影相時仲好投入，又趴低又瞓地...
※今日成個過程都好滿意呀~~^^
最後，我地仲book埋揀相日期：16/3/2009 (6:30pm)@【FranceBridal】@Studio 1
(Request o左睇相版，唔知係咪真係得呢?!因為counter姐姐話而家佢地全部都改晒睇電腦揀相o架喇...)
好緊張呀!!唔知影成點呢?!
2009年3月8日星期日
『囍』❤ 嫁娶吉課
上年5月25日去o左黃大仙搵師傅擇吉日，之後就返去俾"四大長老"揀日子...
其實揀好o左日子，就要返去黃大仙俾師傅再計返過大禮、安床、上頭、出門、回門o既日子同時辰。不過我地揀好o左日子咁耐，直到今日先"的"起心肝去黃大仙搵師傅...=.=
師傅分別寫o左兩份俾我地：
Kenneth o個份──《黃府迎親之喜》迎親吉課
行聘：09年農曆6月25日午時(公曆8月15日中午11至1時)
安床：09年農曆7月27日午時(公曆9月15日中午11至1時)
*逢33歲及45歲屬蛇，暫避大吉
加冠：09年農曆8月1日子時(公曆9月19日晚上11至12時)
*逢17歲及29歲屬雞，暫避大吉
迎親：09年農曆8月2日午時(公曆9月20日中午11至1時)
*逢28歲及64歲屬狗，暫避大吉
謁祖：09年農曆8月2日午時(公曆9月20日中午12至1時)
回門：09年農曆8月2日申時(公曆9月20日下午3至5時)
我o個份──《梁府于歸之喜》于歸吉課
納采：09年農曆6月25日午時(公曆8月15日中午11至1時)
冠笄：09年農曆8月2日子時(公曆9月20日凌晨12至1時)
*逢28歲及64歲屬狗，暫避大吉
出閣：09年農曆8月2日午時(公曆9月20日中午11至1時)
*逢28歲及64歲屬狗，暫避大吉
回門：09年農曆8月2日申時(公曆9月20日下午3至5時)
今日仲貪得意o係師傅度睇o左《姓名吉凶》，
Kenneth個名就一般，唔係好好，又唔係好衰啦...
我個名師傅話全吉，超好呀!!!
師傅話我天資聰穎，係賢妻良母(Kenneth話哩個唔準喎)，同埋旺夫，可以幫助丈夫o既事業發展喎...
另外，師傅問我地結婚之後住邊，我地話未知...
佢就叫我地揀佐敦、尖沙咀或紅磡住喎...話對我地兩個好...
不過佐敦同尖沙咀地方就雜；紅磡就交通唔方便...點揀呀!!!
我都係想住返大圍囉~~嘻嘻^^
2009年3月7日星期六
2009年3月1日星期日
影婚紗相@【MONA LISA】珀麗灣
今日去【MONA LISA】@珀麗灣studio & 馬灣公園影相呀!!
心情真係有d興奮呀~話晒都係第一次影婚紗相丫嘛...哈哈^^不過，美中不足o既就係今日天陰陰，個天灰濛濛咁，上晝仲落過毛毛雨o添...令到心情有少少影響...
原本約o左2:00pm到達【MONA LISA】@珀麗灣studio，但我地比原定時間遲o左15分鐘左右先到...
一去到，counter姐姐就先帶我地去locker擺好d o野；
之後就帶我地去休息室等一陣...
等o左10分鐘左右，就有個化妝師過o黎帶我去化妝先~
今日負責幫我化妝o既MUA叫Hidy~
佢好好心機咁同我化，差唔多用o左成個鐘頭呀!!
(佢都有同我講，今日係影相，所以個妝會比平時厚...其實唔止厚，仲好誇o添...尤其係對眼呀!!哈哈^^)
之後就帶我去換衫，跟住就幫我set頭，
佢俾本相簿我睇，問我鍾意咩款，不過我自己有備而來...
第一個造型@馬灣公園(外景)：用自備o既小花環for粉紅色外景晚裝
我將我想整o既造型俾佢睇，再問下佢意見，咁大家傾好o左就開始整~
(o個時已經見到Kenneth換好o左套白色禮服喇~)
之後我見個小花環set o既位置好似唔係幾好睇咁，我同佢講我想執執佢，佢都好好咁幫我拆o左再整...
其實佢每次整好一個造型，都會影張相俾你自己睇返，睇下個效果滿唔滿意...
如果唔滿意就出聲同佢講，佢會再整過...
不過今日三個造型我都幾滿意，都唔洗再整過...
搞掂之後，我地又去返休息室度等...
等o左一陣，今日幫我地影相o既CAM MAN Ringo，仲有助手小新，就o黎搵我地...
佢問我地想要影出o黎係咩style，我就話想要活潑 & Sweet~
之後我地就出發去馬灣公園喇~~
由於今日係星期日，所以公園都幾多人...
其實著成咁，都幾異相，好彩仲有2 pairs人都係o係公園影o者...
影完公園，就返studio換婚紗同造型，開始影studio景喇~
(Kenneth都要換返套黑色禮服呀!!)
第二個造型@珀麗灣studio：用【MONA LISA】o既小皇冠for婚紗
婚紗造型影o左酒廊同桌球室
第三個造型@珀麗灣studio：用【MONA LISA】o既頭飾for漸變淺藍色晚裝
(之前我要求要o個個頭飾，佢地冇send過o黎呀!!!激死!!!)
晚裝造型影o左2個房景
9點幾終於影完...終於走得喇...
由於我地上晝遲o左出o黎，我同Kenneth都只o係係葵芳搭穿梭巴士入珀麗灣o既車程中食o左個麵包咋...
大家都冇好好咁食過o野，所以走o既時候已經好肚餓喇~
雖然我有帶d乾糧去，不過都係唔夠呢...
於是我地就拿拿聲搭返穿梭巴士出葵芳，直接o係o個度食埋o野先喇~
哈哈^^辛苦o左成日，我地就o係葵芳新都會廣場【茜廊】度食返餐勁o既~~
唔知係唔係肚餓o既關係，d o野特別好食o既^^
總括o黎講：
MUA - Hidy
會聽我想要咩造型，再會俾意見我，同時亦都唔怕麻煩...
佢見d幫我襯頸鏈同手鏈o既姐姐，襯得唔好o既睇話，佢自己會去搵俾我...
CAM MAN - Ringo
好nice，好好人，好有耐性~
佢影相時仲好投入，又趴低；又瞓地；又濕腳...
而且每次佢都好有耐性咁教我地點擺pose，氹我地笑~
仲有，每次佢都提Kenneth笑，如果唔係，Kenneth就好似黑口黑面、兇神惡殺咁樣...
如果Kenneth笑得唔夠，佢都會不停咁叫佢加油，又或者講d o野令佢笑，直至笑到最好為止...
影完之後佢仲同我地握手，哈哈^^
不過暫時未知佢影相出o黎效果係點...要睇相先知...
希望我同Kenenth辛苦o左成日(因為d pose好難擺，可能我地d骨頭太硬卦...)，
影出o黎靚啦~~
最後，我地仲book埋揀相日期：21/3/2009 (2:00pm)@【MONA LISA】珀麗灣studio
好想快d睇相呀!!
※今日仲俾我見到陳琪同胡諾言o黎影婚紗相呀!!
初時以為佢地拍戲，點知同個MUA傾開，先知佢地真係o黎影婚紗相o架...
原來佢地係情侶o黎喎...真係唔知呀...
訂閱：
文章 (Atom)