My Birthday ｡◕‿◕｡

 

又大一歲喇~~

子狐物語 (Helen The Baby Fox)

導演 ：河野圭太 (Keita Kohno)

演員 ：大澤隆夫 (Osawa Takao)

　　　 松雪泰子 (Yasuko Matsuyuki)

　　　 深澤嵐 (Fukasawa Arashi)

片種 ：動畫

級數 ：

日期 ：2006年7月20日

 

大地回春，久違了的陽光照耀北海道綠油油的土地。一天，小男孩遇上了一隻孤零零的小狐狸。母狐似乎不在附近，小狐狸在馬路旁邊蹲伏不動。小男孩覺得牠好可憐，不禁把牠抱起來。這個小男孩是從東京剛剛搬到這裡來，他的名字叫太一。「森林動物診療所」的獸醫所長矢島自喪妻以後，就與正在唸中學的女兒美鈴相依為命，卻想不到大學時代的女友律子會把太一送來讓他照顧。這麼一個三人「家庭」已夠麻煩，太一還突然帶來一隻小狐狸。「你有錢給住院費嗎？」矢島雖然語帶厭惡地對太一這麼說，但他長年以來醫治和護理過無數受傷的野生動物，很快就發現小狐狸有點不乎尋常。因為，矢島在小狐狸眼前揚手或拍掌，牠也毫無反應…

Sally & Rex Wedding 『囍』

今日係我識o左十幾年o既好朋友Sally o既大日子，o係哩度我要祝Sally & Rex「日日都開開心心，恩恩愛愛，永遠都咁愛對方!!」

 

今日所有o既儀式(包括：接新娘、到男家斟茶、回門、註冊同擺酒)都o係《美麗華酒店》舉行，雖然已經少o左好多舟車勞頓，不過大家都好疲倦，但係每一個兄弟姊妹都仍然好落力，希望盡力令哩個婚禮盡善盡美。

 

*:.｡.✿･* ﾟ我的感覺ﾟ*･✿.｡.:*

其實我真係冇諗過Sally會搵我做伴娘o架，因為o係佢身邊有好多朋友，而且近哩幾年由於工作關係，大家都各有各忙，甚少聯絡，真係諗都冇諗到會輪到我，所以佢上年同我講今年會結婚並邀請我做佢伴娘o既時候，我就二話不說咁應承o左。當時真係好開心，因為唔單只有機會參與，而且仲係做伴娘o添...婚禮完結之後，Sally同我講當初佢都驚我唔會做佢伴娘，因為所有o既兄弟姊妹我都唔認識，但係我真係好想佢知道十幾年好朋友o既地位，係冇人可以代替，而且係冇o野可以改變o既，所以只要佢開聲，我就一定會應承!

 

我覺得新娘子係一個好幸福o既人，因為有好錫佢o既屋企人、又有一班好錫佢o既兄弟姊妹，最重要o既梗係有一個好好好錫佢o既老公啦~

 

當一對新人o係所有親朋好友面前完成o左註冊儀式o既時候，我真係覺得好感動，聽到新娘子講自己o既感受時，我真係已經忍唔住自己o既眼淚喇...一個識o左十幾年o既好朋友出嫁，原來心情真係非筆墨所能形容o架...佢開心我都開心；佢唔開心我都唔開心；佢辛苦到嘔o既時候，我個心都好難受，但係我唯一可以做o既只係o係佢嘔o既時候幫佢掃背，減輕佢o既不適...

 

經過o左一個咁難忘o既晚上，新郎同新娘日後一定過得幸福快樂!

 

✿◕‿◕✿ 新娘今日真係好靚呀~~好羨慕呀!!

超人─強戰回歸 (Superman Returns)

導演 ：拜仁辛格 (Bryan Singer)

演員 ：班頓洛夫 (Brandon Routh)

　　　 姬蒂寶絲禾芙 (Kate Bosworth)

　　　 伊娃瑪莉仙特 (Eva Marie Saint)

　　　 奇雲史柏錫 (Kevin Spacey)

片種 ：科幻

級數 ：

日期 ：2006年7月13日

 

自從被強悍的敵人導致法力全無，超人不單喪失了超能力，更失去了一生最愛的女人露薏絲蓮。新片故事開始於他失蹤數年後，重回他至愛的城市，卻發現一切已經改變，令他質疑作為超人的價值。當超人乘太空船返回闊別五年的地球後，他發現這星球和人類有了很大的轉變，好像《每日星球》報章便大字標題寫著：「為甚麼世上不需要超人」，而這篇文章的作者竟是他至愛的Lois Lane。Lois認為人們應該自力更新，不應再等待超人打救，事實上，今天大眾似乎已忘記了五年前曾經叱吒風雲的超人。在超人發現自己被世人遺忘，意志消沉的時候，幸好得到繼母Martha Kent的鼓勵，令他重拾自信。

『未出發，先興奮! 』

我同Kenneth終於都決定o左...

今年生日去旅行呀!!!哈哈~~~

 

星期日我地去o左報團喇~~

我地報o左《永安》o既『全樂園玩樂精選豪華團』呀!!嘻嘻~

有好多o野玩o架，有小熊堡世界、綠田園溫泉水世界(哩個有得浸溫泉、Spa & 室內及室外水上樂園o架~~)、Everland、樂天世界&香草樂園...

不過我驚d o野玩唔晒呀...

 

雖然「未出發，先興奮」，不過團費真係幾貴，而且我地仲要係『豪華團』o添...

團費要$4,299 (足足貴o左千幾蚊)，仲有香港離境稅、香港機場保安稅、南韓國際機場&燃油附加費(都唔知幾時加o左咁多雜費o既)及旅遊保險...

淨係上面o個d，兩個人加埋已經要$10,214喇...(仲未俾導遊及領隊費喎!)

 

我地會7月30日出發，8月3日返o黎...

我都知哩d時候係會比較貴，不過我7月29日生日，Kenneth就7月30日生日，所以今年plan o左去旅行慶祝生日。雖然貴，不過一次咁多啦，應該之後儘量都唔會揀哩d時候去o架喇...
嘻~

 

我諗哩份係我咁大個女收到最開心o既生日禮物呀!!

 

***希望我同Kenneth第二個一齊過o既生日既開心又難忘***

4 條腿拯救隊 (Over the Hedge)

導演 ：添尊遜 (Tim Johnson)

　　　 嘉莉克柏積 (Karey Kirkpatrick)

演員 ：布斯韋利斯 (Bruce Willis)

　　　 加利申度 (Garry Shandling)

片種 ：動畫

級數 ：

日期 ：2006年6月29日

 

春回大地，龜龜亞央及他的森林好友從冬眠中蘇醒過來，眼睛張開甫見一條又長又大綠色籬笆，籬笆站立在他們從前一大遍綠草如茵棲身處中央…這個後院天堂究竟所屬何人?眾森林動物議論紛紛，機會主義者浣熊RJ認為籬笆是「好生活的橋樑」，在那兒，住了一群生物，叫人類，他們為了佳餚美食而生活，非為生活而食用。一向小心謹慎、對RJ有所妒嫉的龜龜亞央，一心只想家人在屬於他們的籬笆另一處安心地生活。但能言善辯的RJ暗懷鬼胎，成功慫恿森林好友向新鄰居－人類發動一趟冒險之旅。籬笆內的垃圾桶成為森林一族的尋寶天堂，RJ他們繼而得寸進尺地登堂入室，與人類的家貓老虎仔對著幹。業主委員會的主席沙嘉狄找來了滅蟲戰士尊榮，誓要把這群動物趕走。浣熊RJ、龜龜亞央、松鼠恆美、袋鼠母女奧絲及哈德、臭鼬鼠娜娜、豪豬夫婦亞Lou 及彭利、熊熊雲遜等，正式與人類展開連場大鬥法。