ღ 第④個月@ 沙田警署 ღ

第四個月喇~

今日我地冇特別去慶祝喇~
但係就去o左個好特別o既地方，就係 ── 沙田警署
因為老公返o黎o既時候，o係屋企樓下個商場執到個銀包呀!!!
入面有證件、提款咭、信用咭同現金...
我地諗緊拎去警署好，定係掉入郵筒好...
由於我都係過來人，曾經唔見過證件...
o個時真係好想有好心人會執到俾返我...
既然自己有能力做到o既，咁咪幫下人囉...
等d警察即時可以通知佢，唔洗咁徬徨嘛...
所以最後我地都係決定送去警署~