我是一支沐浴露~Ò

早排行【萬寧】時見到哩支沐浴露，覺得佢好得意呀~~

雖然佢真係好得意...
但可惜唔係麥嘜丫，所以最後都係冇買到...

但星期日同Kenneth屋企人飲茶講開，知道二家姐好鍾意麥兜...
所以我就諗住買o黎送俾佢呀~
但係o係公司附近同屋企附近，加加埋埋搵o左4-5間都冇呀...
問過d職員，佢地都話買晒，而且仲返唔到貨o添...
所以只好叫一個住天水圍o既同事幫手，睇下佢o個頭會唔會有啦...
點知隔o左幾個鐘...
佢就同我講，佢阿媽已經幫我搵到喇~~
哈哈^^好勁呀~~