｡◕‿-✿ 回歸直髮

Keep o左半年o既曲髮，

今日終於去salon電返直喇~~

一來開始轉季，而且今年會興返直髮；

(我一路以來o既概念都係覺得夏天留直髮，冬天就電曲髮o架...)

二來曲髮太難打理喇...(對我來說)

所以都係決定電返直佢...

本來我仲想剪短佢o架，不過我又唔捨得喎...

我驚要留好耐先留返長呀...

於是都係打消o左哩個念頭lu...哈哈^^

可能冬天時我又會曲髮重來呀!!!

最後，我叫髮型師幫我剪o左哩個髮型~~(我覺得好靚呀!!)↓

十分愛 (Love Is Not All Around)

導演 ：葉念琛

演員 ：鄧麗欣
　　　 方力申
　　　 鍾嘉欣
　　　 森美
　　　 楊愛瑾
　　　 張敬軒
　　　 胡清藍
　　　 王楠
片種 ：愛情
級數 ：　　　 　　　
日期 ：2007年4月19日

家寶(Stephy飾)、晴晴(鍾嘉欣飾)和志榮(森美飾)是青梅竹馬的好朋友。一次，家寶發現和晴晴新婚的志榮跟碧蓮有曖昧關係，志榮更主動跟家寶商量第三者的問題。心軟的家寶答應了為志榮保守秘密，她只將事情告訴了與二人毫不相干的室友阿蚊(Miki 飾)。

在家寶為好友的感情問題煩惱的同時，她遇上了不歡而散的舊男友大力(方力申飾)。三年前家寶利用了大力去結識文信後，便遭受到一連串的報復，使她跟文信最後也分手收場。重遇大力後，與三年前類似的報復行動再次發生，令家寶不得不懷疑是大力所為。後來發現只是誤會一場，大力還是對家寶癡心一片。一次意外家寶在急症室認識了醫生Joe(張敬軒飾)，Joe對家寶展開追求。不巧被大力撞見他們約會，令家寶十分尷尬，周旋在二人之間。

出乎意料之外，傷害自己的兇手原來就是晴晴！晴晴誤以為家寶就是第三者，家寶只好把碧蓮的事和盤托出。二人在阿蚊的協助下計劃去揭穿志榮‧‧‧

羅拔神奇家族 (Meet The Robinsons)

導演 ：史提夫安德遜 (Stephen J. Anderson)

演員 (粵語配音) ：
　　　 葛民輝
　　　 鄭希怡

　　　 朱薰
片種 ：動畫

級數 ：

日期 ：2007年4月5日

IQ爆棚的孤兒路易仔由細到大只有一個夢想：就是找回自己的家人。為此他精心研製一部「記憶掃瞄器」，希望找出自己身世之謎，正當大功告成之際，機器卻慘被專程從未來世界回來復仇的壞人王黑帽士偷走！路易仔變得無晒心機，來歷不明的招積仔威仔突然出現，二話不說就將路易仔推上「時空穿梭機」，齊齊勇闖未來世界，與一班趣怪攪鬼的「羅拔神」神奇家族聯手對付大搞破壞的黑帽士。為了對付路易仔同威仔，黑帽士竟然用「時空穿梭機」偷渡回侏羅紀時代，捉了恐龍細奀做他的私家殺手！最令路易仔意想不到的是，這個神奇家族竟然和他的未來有密切的關連……

Black Friday ☠

今日係黑色星期五呀!!

你地黑唔黑仔呀??
哈哈~~相反我覺得今日好lucky呀~~

1) 由於尋晚唔記得較鬧鐘，所以今朝唔知醒呀...
    不過一去到巴士站巴士就到喇，行慢d都趕唔切呀!!
    所以唔洗遲到囉~

2) 平日食lunch起碼都要等十至十五分鐘o架，
    但係今日一去到就有枱喇~~
    唔洗食得咁趕，食完仲可以去行吓先返公司...

3) 去完整餅之後就搭小巴返屋企，
    起身落車o既時候個電話跌o左落地，
    當我聽到"啪"一聲望轉頭睇o既時候，
    頭先坐我隔o黎o個個男仔就幫我執起個電話俾我，仲對住我笑呀!!!哈哈
    唔洗又唔見電話，唔洗又俾人鬧呀!!

太陽倒數 (Sunshine)

導演 ：丹尼波爾 (Danny Boyle)

演員 ：楊紫瓊 (Michelle Yeoh)
　　　 真田廣之 (Hiroyuki Sanada)
　　　 基斯伊雲斯 (Chris Evans)
　　　 施利安梅菲 (Cillian Murphy)
片種 ：劇情
級數 ：
日期 ：2007年4月5日

2057年，孕育地球萬類生靈的太陽逐漸熄滅，人類正面臨滅亡的危機，地球最後的希望，正繫於太空船【奔日二號】上八位來自各國的科學家身上，他們的任務只有一個──將特別設計的核能儀器帶上太空，再度燃點太陽。

然而，在宇宙的深處，太空船突然與地球失去聯絡，船上的科學家更收到神秘警號──來源竟然源自七年前進行同一任務時離奇失蹤的【奔日一號】太空船！一次恐怖的意外，令這個世紀任務危在旦夕，更將船員推至瘋狂及死亡的邊緣，人類的存亡繫於一線……

戇豆放大假 (Mr Bean's Holiday)

導演 ：史提夫賓迪勒 (Steve Bendelack)

演員 ：路雲雅堅遜 (Rowan Atkinson)
　　　 愛瑪狄歌絲 (Emma De Caunes)
　　　 威廉迪科 (Willem Dafoe)
片種 ：喜劇
級數 ：
日期 ：2007年4月5日

正所謂傻人有傻福，戇豆今次竟然無啦啦贏得旅遊大獎，由英倫飛到花都，玩足一星期。正值康城影展，戇豆本來打算帶著他那部全新的DV到康城到處拍，但途中卻遇著俄羅斯名導演，更誤打誤撞被以為是綁架其10歲兒子史提芬的綁匪。戇豆和史提芬雖然雞同鴨講，卻一同開開心心遊到巴黎，抵埗赫然發現自己變成了全城的通緝犯。為免在牢獄度過自己的開心假期，戇豆必須避開所有耳目，安全將史提芬送回他爸爸身邊。期間他更遇上半紅不黑的荷里活女星莎賓，好心的戇豆希望可以幫助靚女成名，當中卻搞出不少「大頭佛」，必定令你捧腹大笑…